ހޮނިހިރު 21 ސެޕްޓެންބަރ 2019
01 އަތަ
1441 މަހައްރަމް 22
ފަތިސް 04:43
އިރުއަރާ 05:54
މެންދުރު 12:03
އަސްރު 15:06
މަޣްރިބް 18:05
އިޝާ 19:16
ރާއްޖެ - ވޯރލްޑް ހެލްތު އެސެމްބްލީ

ފަލަސްޠީންގެ ސިއްހީ ހާލަތު ރަނގަޅު ކުރުމަށް ވޯރލްޑް ހެލްތު އެސެމްބްލީގައި ރާއްޖެއިން ވޯޓް ދީފި

  • މިނިންމުމާ އެއްކޮޅަށް 96 މެމްބަރު ގައުމަކުން ވޯޓުދީފައިވޭ

އަމްނާ އިމާދު
amnabinthimad

ކ. މާލެ 24 މެއި 2019 | ހުކުރު 09:11 2,430

ހެލްތް އެސެމްބްލީގައި އަމީން - ހެލްތު މިނިސްޓްރީ

އަޅުވެތިކޮށްފައިވާ ފަލަސްޠީންގެ ސަރަހައްދުތަކުގެ ސިއްޙީ ހާލަތު އިތުރަށް ރަނގަޅުކުރަން މަސައްކަތްކުރުމަށް ދުނިޔޭގެ ސިއްޙަތު ޖަމިއްޔާއަށް ގޮވާލާ ތައްޔާރުކޮށްފައިވާ ރިޕޯޓްގައިވާ ކަންކަމާ މަޝްވަރާކޮށް، މިކަމާގުޅިގެން ނިންމި ނިންމުމަށް ތާއީދުކޮށް މިހާރު ހިނގަމުންދާ 72ވަނަ ވޯރލްޑް ހެލްތު އެސެމްބްލީގައި ރާއްޖެއިން ވޯޓްދީފި އެވެ.

މިނިންމުމާ އެއްކޮޅަށް ވޯޓުދީފައިވަނީ ދިވެހިރާއްޖޭގެ ހިމެނޭ ގޮތަށް 96 މެމްބަރު ގައުމަކުންނެވެ. އަދި ދުނިޔޭގެ ބޮޑެތި ގައުމުތައްފަދަ އެމެރިކާ، ޔޫކޭ، އޮސްޓްރޭލިޔާ، ކެނެޑާ، ބްރެޒިލް ހިމެނޭ ގޮތަށް 11 ގައުމަކުން މި ނިންމުމާ ދެކޮޅަށް ވޯޓުދީފައިވެ އެވެ.

ދުނިޔޭގެ ސިއްޙަތު ޖަމިއްޔާއިން ތައްޔާރުކޮށްފައިވާ ރިޕޯޓްގައި ފަލަސްތީނު ސަރަހައްދުތަކުގެ ދިރިއުޅުމުގެ ހާލަތާއި އޭގެ ސަބަބުން ކުރިމަތިވެފައިވާ ސިއްޚީ މައްސަލަތަކާއި ގުޅޭގޮތުން އަލިއަޅުވާލާފައިވެއެެވެ.

މީގެ އިތުރުން ޣާޒާގެ ބޯޑާގައި ހިނގަމުންދާ ހަމަނުޖެހުންތަކުގެ ސަބަބުން ހައްޔަރުވެފައިވާ ފަލަސްޠީންގެ ރެފިއުޖީންގެ ހާލަތާއި އިޒްރާއިލްގެ ޖަލުތަކުގައި ތިބި ފަލަސްޠީން ގައިދީންގެ ހާލަތު ފާހަގަކޮށްފައިވެއެވެ. އަދި މިމައްސަލަތަކާއި ސިއްޙީ ހާލަތު ރަނގަޅުކުރުމަށް މިހާރު ދުނިޔޭގެ ސިއްޙަތު ޖަމިއްޔާއިން ކުރަމުންދާ މަސައްކަތްތަކާއި މެމްބަރު ޤައުމުތަކުން ހުށަހަޅާކަންތައްތައް ވެސް ވަނީ ހިމަނާފައެވެ.

އެންމެ ފަހުން އަޕްޑޭޓް ކުރީ: 3 މަސް ކުރިން | ރިވިއު ކުރީ: ހުސެން ފިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް