ކ. މާލެ
|
22 މެއި 2019 | ބުދަ 21:09
ޗީފް އޮފް ޑިފެންންސް ފޯސް، ޔޫއެސް އަރމީގެ ކޮމާންޑަރާއި ބައްދަލު ކުރެއްވުން
ޗީފް އޮފް ޑިފެންންސް ފޯސް، ޔޫއެސް އަރމީގެ ކޮމާންޑަރާއި ބައްދަލު ކުރެއްވުން
އެމްއެންޑީއެފް
ލެމްޕެކް ސިމްޕޯސިއަމް އެންޑް އެގްޒިބިޝަން 2019
ޗީފް އޮފް ޑިފެންންސް ފޯސް، ޔޫއެސް އާމީގެ ކޮމާންޑަރާ ބައްދަލު ކުރައްވައިފި
 
ދެ ގައުމުގެ އަޝްކަރީ ގުޅުން ބަދަހިކުރުމާ ބެހޭ ގޮތުން ދެ ބޭފުޅުން މަޝްވަރާ ކުރެއްވި

ޗީފް އޮފް ޑިފެންސް ފޯސް އަބްދުﷲ ޝަމާލް، ޔޫއެސް އަރމީ ޕެސިފިކްގެ ކޮމާންޑަރ ޖެނެރަލް ރޮބާރޓް ބީ ބްރައުންނާ ބައްދަލު ކުރައްވައިފިއެވެ.

އެމެރިކާގެ ހަވާއީގައި މިހާރު ކުރިއަށް ދާ "ލެމްޕެކް ސިމްޕޯސިއަމް އެންޑް އެގްޒިބިޝަން 2019" ގެ ތެރެއިން ޔޫއެސް އަރމީ ޕެސިފިކްގެ ކޮމާންޑަރ ޖެނެރަލް ރޮބާރޓް ބީ ބްރައުންނާ އެކު ބޭއްވެވި ބައްދަލުވުމަކީ ވަރަށް ފުރިހަމަ ބައްދަލުވުމެއް ކަމަށެވެ.

މި ބައްދަލުވުމުގައި ދެ ބޭފުޅުން ވަނީ ދެ ގައުމުގެ އަޝްކަރީ ގުޅުން ބަދަހި ކުރުމާ ބެހޭ ގޮތުން ވާހަކަ ދައްކަވާފައެވެ. އަދި ޔޫއެސް އަރމީގެ ފަރާތުން އެމްއެންޑީއެފްއަށް އިތުރު ފުރުސަތުތެއް ހޯދައިދިނުމާ ގުޅޭ ގޮތުން ވެސް މަޝްވަރާ ކުރެއްވެވިއެވެ.

"ލެންފެކް ސިމްޕޯސިއަމް" ގައި ބައިވެރިވެ ވަޑައިގަތުމަށް ޗީފް އޮފް ޑިފެންސް ފޯސް އަބްދުﷲ ޝަމާލް އެމެރިކާއަށް ފުރާ ވަޑައިގަތީ މިދިޔަ އާދިއްތަ ދުވަހުގެ މެންދުރުފަހުގެ ވަގުތެއްގައެވެ.

އިންޑިއަން ޕެސިފިކް އޯޝަންގެ ގައުމުތަކުގެ އަސްކަރިއްޔާތަކުގެ ގުޅުން ބަދަހި ކުރުމަށް ބާއްވާ މި ސިމްޕޯޒިއަމް ކުރިއަށް ދާނީ މި މަހުގެ 21 ވަނަ ދުވަހުން ފެށިގެން މާދަމާގެ ނިޔަލަށެވެ.

މި ދަތުރުފުޅުގައި ޗީފްއޮފް ޑިފެންސް ފޯސްގެ އަރިއަހުގައި ސާޖަންޓް މޭޖަރ ހަސަން ފަޔާޒް ބައިވެރިވެ ވަޑައިގަންނަވައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް