ހޮނިހިރު 21 ސެޕްޓެންބަރ 2019
01 އަތަ
1441 މަހައްރަމް 22
ފަތިސް 04:43
އިރުއަރާ 05:54
މެންދުރު 12:03
އަސްރު 15:06
މަޣްރިބް 18:05
އިޝާ 19:16
ކުޅިވަރު - މައުރީޒިއޯ ސާރީ

ޗެލްސީގައި މަޑުކުރަން ބޭނުން: ސާރީ

  • ސާރީ ހޯދުމަށް ރޯމާއިން އަންނަނީ މަސައްކަތް ކުރަމުން

ލީވާން އަލީ
MrLeevaan

ކ. މާލެ 22 މެއި 2019 | ބުދަ 21:11 1,998

މައުރީޒިއޯ ސާރީ - ގެޓީ އިމޭޖާސް

ޗެލްސީގައި މަޑުކުރަން ބޭނުންވާ ކަމަށް އެ ކްލަބުގެ ކޯޗު މައުރީޒިއޯ ސާރީ ބުނެފިއެވެ.

ނޫސްވެރިންނަށް މައުލޫމާތު ދެމުން ސާރީ ބުނީ، ޕްރިމިއާ ލީގުގައި ކޯޗުކޮށްދިނުމަކީ ލިބޭ އުފަލެއް ކަމަށާއި، ޗެލްސީއަކީ ޕްރިމިއާ ލީގުގައި މުހިންމު ކްލަބެއް ކަމަށެވެ.

އެއްބަސްވުމުގައި ބާކީ ދެ އަހަރު އޮތްކަން ފާހަގަކުރަމުން ސާރީ ބުނީ، ގަބޫލުކުރެވޭ ގޮތުގައި އޭނާގެ ކުރިމަގު ބައްޓަންވާނީ ބުދަ ދުވަހުގެ ރޭ ކުޅޭ ޔޫރޮޕާ ލީގުގެ ފައިނަލަށް ފަހު ކަމަށާއި، އެ މެޗަށް މިހާރު ހުރިހާ ވިސްނުމެއް ހުރި ކަމަށެވެ.

ރިޕޯޓްތައް ބުނާ ގޮތުން ޔޫރޮޕާ ލީގުގެ ފައިނަލުން ޗެލްސީ ބަލިވެއްޖެ ނަމަ، އެ ކްލަބުގެ ކޯޗުކަމުން ސާރީ ވަކިކުރާނެއެވެ. ނަމަވެސް ސާރީ ވަނީ އެއްބަސްވުން ހަމަވުމުގެ ކުރިން އެހެން ކްލަބަކަށް ބަދަލުވުމަކީ ދުރުކަމެއް ކަމަށް ބުނެފައެވެ.

މީގެ އިތުރުން ބައެއް ރިޕޯޓްތައް ބުނާގޮތުން ޗެލްސީގެ ކޯޗުކަމުން ސާރީ ވަކިކޮށްފިނަމަ، އޭނާ ހަވާލުވާނީ ރޯމާއާއެވެ. އެގޮތުން ރޯމާއިން އަންނަނީ ސާރީ ހޯދުމަށް މަސައްކަތް ކުރަމުން ކަމަށްވެސް ރިޕޯޓްތައް ބުނެއެވެ.

މި ސީޒަނުގެ ޕްރިމިއާ ލީގުގައި ޗެލްސީ ކުޅުނު 38 މެޗުގެ ތެރެއިން 21 މެޗުން މޮޅުވެފައިވާއިރު، 8 މެޗުން އެޓީމު ވަނީ ބަލިވެފައެވެ. އަދި އެޓީމު ވަނީ ނުވަ މެޗުން އެއްވަރުވެފައެވެ. އެޓީމން ލީގު ނިންމާލީ ޕޮއިންޓް ތާވަލުގެ ތިންވަނައިގައެވެ.

މިދިޔަ އަހަރުގެ ޖުލައި މަހު ޗެލްސީގެ ކޯޗުކަމާ ސާރީ ހަވާލުވުމަށްފަހު، މިހާތަނަށް އިރުޝާދުދިން 62 މެޗުގެ ތެރެއިން 38 މެޗުން އެޓީމު ވަނީ މޮޅުވެފައެވެ. ބާކީ 11 މެޗުން އެޓީމު ބަލިވިއިރު، 13 މެޗުން ވަނީ އެއްވަރުވެފައެވެ.

އެންމެ ފަހުން އަޕްޑޭޓް ކުރީ: 3 މަސް ކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް