ބުރާސްފަތި 27 ޖޫން 2019
11 އަދަ
1440 ޝައްވާލް 23
ފަތިސް 04:38
އިރުއަރާ 05:56
މެންދުރު 12:13
އަސްރު 15:37
މަޣްރިބް 18:22
އިޝާ 19:40
ރާއްޖެ - އެމްޑަބްލިއުއެސްސީ

އެމްޑަބްލިއުއެސްސީގެ ކޭބަލެއް ބުރިކޮށްލި މައްސަލައެއްގައި ތިން މީހަކު ހައްޔަރުކޮށްފި

  • އެ ތިން މީހުން ހައްޔަރު ކޮށްފައިވަނީ ހޯމަ ދުވަހު

އަލީ ސަމާޚް
AliSamah8

ކ. މާލެ 21 މެއި 2019 | އަންގާރަ 23:05 7,523

ބުރިކޮށްލާފައިވާ އެމްޑަބްލިއުއެސްސީގެ ކޭބަލް - ޕޮލިސް

ގދ. ގައްދޫގައި އަލަށް އިމާރާތް ކޮށްފައިވާ ސްކޫލު ކައިރީގައި މޯލްޑިވްސް ވޯޓަރ އެންޑް ސެވަރޭޖް ކޮމްޕެނީ (އެމްޑަބްލިއުއެސްސީ)އިން ބާއްވާފައި އޮތް ބޮޑު ކަރަންޓު ކޭބަލެއް ބުރިކޮށްލި މައްސަލާއެއްގައި ތިން މީހަކު ހައްޔަރުކޮށްފިއެވެ.

ފުލުހުން ބުނީ، އެކަމުގެ ރިޕޯޓް ލިބިފައި ވަނީ ހޮނިހިރު ދުވަހުގެ ރޭ 11:00 ހާއިރު ކަމަށެވެ. ފުލުހުންގެ ތަހުގީގަށް ލިބުނު މައުލޫމާތާއި ގުޅިގެން ހައްޔަރު ކޮށްފައި ވަނީ 34 އަހަރުގެ ފިރިހެނަކާއި 36 އަހަރުގެ ފިރިހެނަކުގެ އިތުރުން 42 އަހަރުގެ ފިރިހެނަކުއެވެ.

ކޯޓު އަމުރުގެ ދަށުން ތިން މީހުން ހައްޔަރުކޮށް އެ ތިން މީހުން ޝަރީއަތް ނިމެންދެން ބަންދުގައި ބޭތިއްބުމަށް ގދ. ވާދޫ މެޖިސްޓްރޭޓް ކޯޓުން އަމުރު ކޮށްފައިވާ ކަމަށް ފުލުހުން ބުންޏެވެ.

ނަވާރަސަތޭކަ ނުވަ ދިހަ ފަސް ވަނަ އަހަރު ރާއްޖޭގެ އެކި ކަންކޮޅުތަކަށް ސާފުފެން ފޯރުކޮށްދިނުމުގެ މަގުސަދުގައި އުފެއްދި އެ ކުންފުނިން ދަނީ ރާއްޖޭގެ އާބާދީގެ 50 ޕަސެންޓް މީހުންނަށް ފެން ފޯރުކޮށްދެމުންނެވެ.

ރާއްޖޭގެ އެކި ކަންކޮޅުތަކުގައި އެމްޑަބްލިއުއެސްސީން ފެނާއި ނަރުދަމާ ނިޒާމުގެ ގިނަ މަޝްރޫއުތަކެއް ކުރިއަށް ގެންގޮސް އެ ކުންފުނިން ވަނީ ފެނުގެ ދާއިރާގައި ގިނަ ކުރިއެރުންތަކެއް ހޯދާފައެވެ.

އެންމެ ފަހުން އަޕްޑޭޓް ކުރީ: 3 ދުވަަސް ކުރިން | ރިވިއު ކުރީ: ޙުސައިން ޙަސަން

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް