ކ. މާލެ
|
21 މެއި 2019 | އަންގާރަ 20:56
ކީލިއަން އެމްބަޕޭ
ކީލިއަން އެމްބަޕޭ
ގޫގުލް
ކީލިއަން އެމްބަޕޭ
އެމްބަޕޭ ކްލަބުގައި މަޑުކުރާނެ: ޕީއެސްޖީ
 
އެމްބަޕޭ ބޭނުންވަނީ ރެއާލްއަށް ބަދަލުވާން

ޕެރިސް ސެއިންޓް ޖާމަން (ޕީއެސްޖީ) އަށް ކުޅެމުން އަންނަ ފްރާންސްގެ ފޯވާޑް ކީލިއަން އެމްބަޕޭ އެ ކްލަބުގައި މަޑުކުރާނެ ކަމަށް ރިޕޯޓްތައް ބުނެފިއެވެ.

ޕީއެސްޖީ ދޫކޮށްލާނެކަމުގެ އިޝާރާތެއް އެމްބަޕޭ ދީފައިވާ ދަނޑިވަޅެއްގައި ޕީއެސްޖީން ނެރުނު ބަޔާނެއްގައި ބުނީ، ފާއިތުވެދިޔަ ދެ ސީޒަނުގައި ވެސް އެމްބަޕޭ އާއި ޕީއެސްޖީއާ ދެމެދު އޮތީ ރަނގަޅު ގުޅުމެއް ކަމަށާއި، ކުރިޔަށް އޮތް ސީޒަނުގައި ވެސް އެކަން އޮންނާނީ އެގޮތަށް ކަމަށެވެ.

ފްރާންސް ލީގުގެ މޮޅު ކުޅުންތެރިޔާގެ މަގާމް ހޯދުމަށް ފަހު އެމްބާޕޭ ބުނީ މި ލިބޭ ކުރިއެރުންތަކާ އެކު، ޕީއެސްޖީގައި ވިޔަސް ނުވަތަ އެނޫން ޓީމެއްގައި ވިޔަސް އިތުރު ޒިންމާތަކެއް ނަގަން އެބަޖެހޭ ކަމަށެވެ.

އެމްބަޕޭ ހޯދުމަށް ސްޕެއިންގެ ރެއާލް މެޑްރިޑުން މަސައްކަތް ކުރަމުން އަންނަ ކަމަށް ރިޕޯޓްތައް ބުނާއިރު، އެމްބަޕޭވެސް ބޭނުންވަނީ ރެއާލްއަށް ބަދަލުވާން ކަމަށް ރިޕޯޓްތައް ބުނެއެވެ.

ފްރާންސްގެ މޮނާކޯ އިން ކެރިޔަރު ފެށި އެމްބަޕޭ ވަނީ އެ ޓީމަށް ކުޅުނު 60 މެޗުގައި 27 ލަނޑު ކާމިޔާބުކޮށްފަ އެވެ. އޭނާ ވަނީ އެޓީމާއެކު ފްރާންސް ލީގު ވެސް ކާމިޔާބުކޮށްފަ އެވެ.

މޮނާކޯގައި ތިން ސީޒަން ހޭދަކުރުމަށް ފަހު، ލޯން އެއްބަސްވުމެއްގެ ދަށުން އެމްބަޕޭ ޕީއެސްޖީ އަށް ބަދަލުވީ 2017 ވަނަ އަހަރެވެ. އޭނާ ވަނީ އެޓީމަށް މިހާތަނަށް ކުޅުނު 86 މެޗުގައި 59 ލަނޑު ކާމިޔާބުކޮށްފަ އެވެ.

އުމުރުން 20 އަހަރުގެ އެމްބަޕޭ ވަނީ މިދިޔަ އަހަރު ދާއިމީ އެއްބަސްވުމެއްގެ ދަށުން ޕީއެސްޖީއަށް ބަދަލުވެފައެވެ. އޭނާ ވަނީ އެ ކްލަބާއެކު ފްރެންޗް ލީގު އަދި ފްރެންޗް ކަޕް ކާމިޔާބުކޮށްފަ އެވެ.

ފްރާންސް ޓީމަށް 30 މެޗުގައި 12 ލަނޑު ކާމިޔާބުކޮށްފައިވާ އެމްބަޕޭ ވަނީ ފްރާންސްގެ 19 އަހަރުން ދަށުގެ ޓީމާއެކު ޔޫރޯވެސް ކާމިޔާބުކޮށްފަ އެވެ. އަދި އޭނާ ވަނީ މިދިޔަ އަހަރު ވޯލްޑް ކަޕް ފްރާންސްއަށް ކާމިޔާބުކޮށްދިނުމަށް ވެސް މުހިންމު ދައުރެއް އަދާކޮށްފައެވެ.

އެންމެ ފަހުން އަޕްޑޭޓް ކުރީ: 2 ހަފްތާ ކުރިން
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް