ކ. މާލެ
|
21 މެއި 2019 | އަންގާރަ 10:17
ހޯޒޭ މޮރީނިއޯ
ހޯޒޭ މޮރީނިއޯ
ގެޓީ އިމޭޖަސް
ހޯޒޭ މޮރީނިއޯ
ރޮނާލްޑޯ ބޭނުންވަނީ ޔުވެންޓަސްގެ ކޯޗަކަށް މޮރީނިއޯ ގެންނަން
 
މޮރީނިއޯ ހޯދުމަށް ގިނަ ކްލަބްތަކުން އަންނަނީ މަސައްކަތް ކުރަމުން

ޔުވެންޓަސްއަށް ކުޅެމުން އަންނަ ކްރިސްޓިއާނޯ ރޮނާލްޑޯ ބޭނުންވަނީ ޔުވެންޓަސްގެ ކޯޗަކަށް ހޯޒޭ މޮރީނިއޯ ގެންނަން ކަމަށް ރިޕޯޓްތައް ބުނެފިއެވެ.

އިޓަލީގެ ނޫހަކުން ބުނީ، ޔުވެންޓަސްގެ ކޯޗަކަށް މޮރީނިއޯ ގެންނަން ރޮނާލްޑޯ ބޭނުންވާ ކަމަށާއި، އެކަމަށް އޭނާ ބާރުއަޅަމުން އަންނަ ކަމަށެވެ.

ޔުވެންޓަސްގެ ކޯޗު މަސްމިލިއާނޯ އެލެގްރީ ވަނީ ދާދި ފަހުން އެ ކްލަބް ދޫކޮށްލާނެކަން އިއުލާން ކޮށްފައެވެ. އެގޮތުން ޔުވެންޓަސްއިން އަންނަނީ އެޓީމަށް ކޯޗެއް ހޯދުމުގެ މަސައްކަތް ކުރަމުންނެވެ.

މޮރީނިއޯ ވަނީ ރޮނާލްޑޯގެ ކުރީގެ ކްލަބް ރެއާލް މެޑްރިޑަށް ކޯޗުކަން ކޮށްދީފައެވެ. އަދި މޮރީނިއޯ ވަނީ އޭނާ ރެއާލްގައި ހޭދަކުރި މުއްދަތުގައި ރޮނާލްޑޯއަށް އިރުޝާދު ވެސް ދީފައެވެ.

މި ސީޒަނުގައި ޔުނައިޓެޑުގެ ކޯޗެއްގެ ގޮތުގައި ހުރި މޮރީނިއޯ އެ މަގާމުން ވަކިކުރުމުން، މިހާރު އެއްވެސް ވަޒީފާއެއް އަދާކުރަމުންނެއް ނުދެއެވެ. ނަމަވެސް އޭނާއަށް ހުށަހެޅުންތައް ލިބެމުންދާ ކަމަށް މޮރީނިއޯ ވަނީ ދާދި ފަހުން ބުނެފައެވެ.

މި ސީޒަނުގައި މޮރީނިއޯގެ ކޯޗުކަމުގައި ޔުނައިޓެޑަށް ލިބުނު 26 ޕޮއިންޓަކީ 91-1990 ސީޒަނުން ފެށިގެން އެ ޓީމު އެންމެ ދަށް ފެށުމެވެ. އެހެން ނަމަވެސް 2016 ވަނަ އަހަރު މެންޗެސްޓަރ ޔުނައިޓެޑްގެ ކޯޗުކަމާ ހަވާލުވެ، މޮރީނިއޯ ވަނީ އެ ސީޒަނުގައި ލީގު ކަޕާއި، ޔޫރޮޕާ ލީގު އެ ޓީމަށް ކާމިޔާބު ކޮށްދީފައެވެ. އެ ސީޒަން މެންޗެސްޓަރ އިން ނިންމާލީ ލީގުގެ ހަ ވަނައިގައި އޮވެގެންނެވެ.

އެހެން ނަމަވެސް މިދިޔަ އަހަރު އެ ޓީމު ވަނީ ލީގުގެ ދެވަނަ ހޯދާފައެވެ. ލީގުގެ އެއްވަނަ ހޯދީ މެންޗެސްޓާ ސިޓީއެވެ.

މީގެ ކުރިން ރެއާލް މެޑްރިޑް އާއި ޗެލްސީ އަދި އިންޓަމިލާނަށް ވެސް ކޯޗުކަން ކޮށްދީފައިވާ މޮރީނިއޯ ވަނީ ގިނަ ކާމިޔާބީތަކެއް ހޯދާފައެވެ. އެގޮތުން އޭނާ ވަނީ 2010 ވަނަ އަހަރު ފީފާ އިން ހޮވާ އެންމެ މޮޅު ކޯޗުގެ މަގާމު ވެސް ހޯދާފައެވެ. އަދި އޭނާ ވަނީ ޔުއެފާ އިން ހޮވާ އެންމެ މޮޅު ކޯޗުގެ މަގާމު ދެ ފަހަރު ހޯދާފައެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: ހުޝާމް މުހަޢްމަދް
33%
33%
0%
0%
0%
33%
ކޮމެންޓް