ސަޓާއަށް އޮންލައިންކޮށް ވޯޓްލުމުގެ ފުރުސަތު ހުޅުވާލައިފި
ވޯޓުލުމުގެ ސުންގަޑިއަކީ ޖުލައި މަހުގެ 10 ވަނަ ދުވަސް
ސައުތު އޭޝިއަން ޓްރެވަލް އެވޯޑްސް
ސައުތު އޭޝިއަން ޓްރެވަލް އެވޯޑްސް (ސަޓާ) އަށް އޮންލައިންކޮށް ވޯޓްލުމުގެ ފުރުސަތު ހުޅުވާލައިފިއެވެ.
ދެކުނު އޭޝިއާ ސަރަހައްދުގައި ދެމުން އަންނަ އެންމެ ޝަރަފުވެރިއެއް އެވޯޑަށް ވޯޓުލުމުގެ ފުރުސަތު ސަޓާގެ ވެބްސައިޓް މެދުވެރިކޮށް ހުޅުވާލާފައިވާއިރު ވޯޓުލުމުގެ ސުންގަޑިއަކީ ޖުލައި މަހުގެ 10 ވަނަ ދުވަހުގެ ނިޔަލަށެވެ.
ސަޓާ އެވޯޑުގައި މި ފަހަރު 500 އަށް ވުރެ ގިނަ ޓްރެވަލް އެންޑް ޓުއަރިޒަމް ވިޔަފާރި އޮޕަރޭޓަރުން ވަނީ ނޮމިނޭޓްވެފައެވެ.
އެގޮތުން ގެސްޓްހައުސް ދާއިރާ އިން ފާހަގަކޮށްލެވޭ ރާއްޖޭގެ ބްރޭންޑެއް ކަމަށްވާ ޔޫއައި ހޮޓެލްސް، ޔޫއައި މޯލްޑިވްސްގެ އިތުރުން ރާއްޖޭގެ ރިސޯޓެއް ކަމަށްވާ އާދަރަން ކްލަބް ރަންނާޅި އަދި އޭސް ޓްރެވަލްސް މޯލްޑިވްސް ވަނީ އެކި ކެޓަގަރީތަކުން ނޮމިނޭޓްވެފައެވެ. ޔޫއައި ހޮޓެލްސް އާއި ޔޫއައި މޯލްޑިވްސް ވަނީ ތިން ކެޓަގަރީއަކަށް ނޮމިނޭޓްވެފައެވެ.
އެ އެވޯޑުގެ ގާލާ ބޭއްވުމަށް ހަމަޖެހިފައި ވަނީ މިއަހަރުގެ ސެޕްޓެމްބަރު މަހުގެ ތެރޭގައެވެ.
ދުނިޔޭގެ ބޮޑެތި ކުންފުނިތަކަކުން އެންޑޯޒް ކޮށްފައިވާ މި އެވޯޑަކީ 2016 ވަނަ އަހަރުން ފެށިގެން ދެމުން އަންނަ އެވޯޑެކެވެ.
