ހައިކޯޓު ފަޑިޔާރު ހަސަން އަލީގެ ކާރުކޮޅަށް ބަޔަކު ގެއްލުންދީފިއެވެ.

ފުލުހުން ބުނީ ހުޅުމާލޭގައި ޕާކް ކޮށްފައި އޮތް ކާރަކަށް ގެއްލުން ދީގެން ބުރާސްފަތި ދުވަހު އިރުއޮއްސި 6:15 ހާއިރު ފުލުހުންނަށް ރިޕޯޓް ކޮށްފައިވާ ކަމަށެވެ.

ފުލުހުން މިމައްސަލަ ތަހުގީގު ކުރަމުންދާއިރު، ގެއްލުން ދިން ކާރުގެ ވެރިފަރާތުގެ މައުލޫމާތެއް ހާމައެއް ނުރެއެވެ.

މައުލޫމާތު ލިބިފައިވާ ގޮތުގައި ކާރުގެ ބިއްލޫރިތައް ތަޅާލައި ގެއްލުން ދީފައިވަނީ ހައިކޯޓްގެ ފަނޑިޔާރު ހަސަން އަލީގެ ކާރަށެވެ. ފޮޓޯތަކުން ފެންނަ ގޮތުގައި ރަތްކުލައިގެ އެކާރުގެ ކުރީ ކޮޅާއި ފަހަތުގެ ބިއްލޫރިގަނޑު ތަޅާލައި ބޮޑެތި ގެއްލުންތަކެއް ވަނީ ދީފައެވެ.