ޗިކަން ފްރައިޑް ރައިސް ރެސިޕީ

ޗިކަން ފްރައިޑް ރައިސް ރެސިޕީ

ބޭނުންވާ ތަކެތި:

• 100 ގުރާމް ކުކުޅު (ކަށިނެތް)
• 30 ގުރާމް ކެރެޓް
• 30 ގުރާމް ކެބެޖް ފަތް
• 30 ގުރާމް ލީީކްސް
• ގިތެޔޮމިރުހުގެ އެއްފަޅި
• 1 ރޯމިރުސް
• 1 ސަމްސާ ސޯޔާ ސޯސް
• 1 ސައިސަމްސާ ސެސަމޭ ތެޔޮ
• 1 ކުޑަ ފިޔާ
• 1 ލޮނުމެދު
• އިންޗިއެއްގެ އިނގުރުކޮޅެއް
• ބައި ސައިސަމްސާ މުގުރި މިރުސް
• ބައި ސައިސަމްސާ މުގުރި ކޮރިއެންޑާ
• ލޮނު އަދި އަސޭމިރުސް (ރަހަ ލާވަރަށް)
• 1 ޖޯޑުގެ ހަނޑޫ (ކައްކާފައި)
• 1 ބިސް

ތައްޔާރު ކޮށްލާނެ ގޮތް:

ކެރެޓާއި ކުކުޅު ދިގުކޮށް ކޮށާލާފައި، ބާކީ ހުރި ތަރުކާރީކޮޅު ހިމުންކޮށް ކޮށާލާށެވެ.

އުނދުން މައްޗަށް ތެއްޔެއް އުނދާފައި ތެލި ހޫނުވަންދެން ބަހައްޓާށެވެ.

ތެލި ހޫނު ވުމުން 2 ސަމްސާ ތެޔޮ އަޅާފައި ކުކުޅު، ކޮރިއެންޑާ، ލޮނު އަދި އަސޭމިރުސް އެއްކޮށްލާށެވެ. ކުކުޅުކޮޅު ރޯފިލުމުން ބާކީހުރި ތަރުކާރީ ތެއްޔަށްއެޅުމަށްފަހު ރޯ ފިލުވާލާށެވެ.

ތަރުކާރީކޮޅު ރޯފިލުމުން މުގުރި މިރުސް، ލޮނު އަދި އަސޭމިރުސް އިތުރަށް އަޅައި ހާވާލާށެވެ. ދެން އެއްކޮށްލާނީ 1 ބިހެވެ.

ބިސް އެއްވުމުން ސޯސްކޮޅު، ޕޭސްޓް އަދި ބަތްކޮޅު އެއްކޮށްލާފައި ރަނގަޅަށް ހާވާލާށެވެ.