މޯލްޑިވްސް ޕާޓްނާޝިޕް ފޯރަމް 2019ގެ މަޝްވަރާތައް ނިއު ދިއްލީގައި ފަށައިފި
13 މެއި 2019 | ހޯމަ 08:57ޕާޓްނަރޝިޕް ފޯރަމް ބާއްވަނީ ޖޫން 17 އިން 18އަށް
ނިއު ދިއްލީގައި ބޭއްވި މައުލޫމާތު ދިނުމުގެ ސެޝަންގެ ތެރެއިން
މޯލްޑިވްސް ޕާޓްނާޝިޕް ފޯރަމަށް ތައްޔާރުވުމަށް އެކަމާ ބެހޭ މައުލޫމާތު ދިނުމުގެ ސެޝަނެއް އިންޑިއާގެ ވެރިރަށް ނިއު ދިއްލީގައި ފަށައިފިއެވެ.
މި ފޯރަމްގައި ދިއްލީގައި ތިބި ރާއްޖެ އިން ބޭރުގެ ޑެލިގޭޝަނުން ވަނީ ބައިވެރިވެފައެވެ. މި ބައްދަލުވުމުގައި ރާއްޖޭގެ ހިންގަމުންދާ އަދި ހިންގުމަށް ޕްލޭން ކޮށްފައިވާ މައިގަނޑު މުހިންމު ޕްރޮޖެކްޓްތަކަށް އަލިއަޅުވާލާ މަޝްވަރާތައް ކޮށްފައެވެ. މީގެ އިތުރުން ޖޫން 17 އިން 18 އަށް ބާއްވާ ހަމަޖެހިފައިވާ ޕާޓްނަރޝިޕް ފޯރަމް އަށް ވަމުންދާ ތައްޔާރީތަކާ ގުޅޭ ގޮތުން ވެސް މައުލޫމާތު ވަނީ ހިއްސާ ކޮށްފައެވެ. ރާއްޖޭގެ ސަރުކާރުން ހިންގަން ހަމަޖައްސާފައި ހުރި ޕްރޮޖެކްޓްތަކާ މިފޯރަމްއާ ބެހޭ ގޮތުން ކުރާ ސުވާލުތަކަށް ޖަވާބު ވެސް ދޭނެ ކަމަށް ފޮރިން މިނިސްޓްރީން ބުނެއެވެ.
މި ފޯރަމާ ބެހޭ މައުލޫމާތު ސެޝަންތައް މާލެއާއި ލަންކާގައި މީގެ ކުރިން ވަނީ ބާއްވާފައެވެ.
ފޮރިން މިނިސްޓްރީން ބުނީ އެ ފޯރަމްގެ މަގުސަދަކީ ރައީސް އިބްރާހިމް މުހައްމަދު ސޯލިހުގެ ވިސްނުންފުޅު ހިއްސާކޮށް މިކަން ކުރެވޭނެ ފަސޭހަ ގޮތްތަކެއް ހޯދުމާއި އެ ކަމަށް ރަނގަޅު އިވެސްޓަރުން ހޯދުން ކަމަށެވެ. އަދި 100 ދުވަހުގެ ވައުދުގެ ދަށުން ނިންމަން ހުރި ޕްރޮޖެކްޓްތަކުގެ މައުލޫމާތާ ނޫއިގްތިސާދުގެ ދަށުން ކުރަން ހުރި ކަންތައްތަކާއި ސިއްހީ ދާއިރާ، ތައުލީމީ އަދި ގެދޮރުވެރިކަން ހުރި ގޮންޖެހުންތަކާ އެކަމަށް ހައްލު ހޯދޭނެ ގޮތްތަކާ މެދު މަޝްވަރާ ކޮށް އެކަމަށް ބޭނުންވާ އެހީ ހޯދުން ކަމަށެވެ.
