އާދީއްތަ 26 މެއި 2019
07 ރޯނު
1440 ރަމަޟާން 21
ފަތިސް 04:34
އިރުއަރާ 05:51
މެންދުރު 12:07
އަސްރު 15:29
މަޣްރިބް 18:15
އިޝާ 19:32
ދުނިޔެ - ޖޫލިއަން އަސާންޖް

ޖޫލިއަން އަސާންޖް: ރޭޕް ކޭސްއާ މެދު އަމަލުކުރާނެ ގޮތެއް ސްވިޑެން އިން އިއުލާނުކުރަނީ

  • އަސާންޖްގެ ހިމާޔަތް އުވާލައި ހައްޔަރުކޮށްފައި ވަނީ އޭޕްރީލް 11 ވަނަ ދުވަހު

އަބުދުﷲ މުހައްމަދު
8Abbo

ކ. މާލެ 13 މެއި 2019 | ހޯމަ 11:33 2,807

އަސާންޖްގެ މައްޗަށް ތަހުގީގު ނުހިންގި ވަނީ އިކުއެޑޯ އެމްބަސީގެ ހިމާޔަތުގައި ހުރުމުން - އެމްއެންޑީއެފް

ވިކިލީކްސްގެ ކޯ-ފައުންޑަރ ޖޫލިއާން އަސާންޖްގެ މައްޗަށް ތުހުމަތު ކުރެވޭ ރޭޕްގެ މައްސަލައިގެ ތަހުގީގު އަލުން ފެށުމާ މެދު ގޮތެއް ނިންމުމަށް މިހާރު ތައްޔާރުވެފައިވާ ކަމަށް ސްވިޑެންގެ ޕްރޮސިކިއުޓަރުން ބުނެފިއެވެ.

ރޭޕްގެ ޝިކާރައަކަށް ވީ ކަމަށް ބުނެވޭ މީހާގެ ވަކީލުގެ އެދުމަކަށް މި ތަހުގީގު އަލުން ފަށައިގަނެވިދާނެއެވެ.

މި ތުހުމަތުތައް ދޮގުކުރާ އަސާންޖް ވަަނީ އިނގިރޭސިވިލާތުގައި ހުންނަ އިކުއެޑޯގެ އެމްބަސީން 2012 ވަަނަ އަހަރުން ފެށިގެން ހިމާޔަތް ހޯދުމަށް ފަހު ހަތް އަހަރު އެތަނުގެ ތެރޭ ހުރެ އެކްސްޓްރަޑިޝަން އަށް ފިލާފައެވެ.

ނަމަވެސް އުމުރުން 47 އަހަރުގެ އަސާންޖް މިދިޔަ މަހު ވަނީ އެތަނުން ނެރެލާފައެވެ. އޭގެ ފަހުން އޭނާގެ މައްޗަށް ވަނީ ކަފާލާތުގެ އުސޫލުތަކާ ޚިލާފުވި ކަމަށް ނިންމައި 50 ހަފްތާއަށް ޖަލަށް ލުމަށް ހުކުމް ކޮށްފައެވެ.

އޭޕްރީލް 11 ވަނަ ދުވަހު އިކުއެޑޯ އެމްބަސީގައި ހުއްޓައި އަސާންޖް ހައްޔަރު ކޮށްފައި ވަނީ، އިކުއެޑޯ އިން އޭނާއަށް ދީފައިވާ ހިމާޔަތް އަނބުރާ ގެންދިއުމާ ގުޅިގެންނެވެ. އިކުއެޑޯ އިން ހިމާޔަތް އަނބުރާ ގެންގޮސްފައި ވަނީ އަސާންޖް އެޤައުމުގެ ޚާރިޖީ ކަންކަމާ ބެހޭ ކަމަށް ތުހުމަތު ކުރުމަށް ފަހުއެވެ. ނަމަވެސް ގިނަ ފަރާތްތަކަކުން ތުހުމަތު ކުރާ ގޮތުގައި އިކުއެޑޯގެ ނިންމުމަކީ ވިކިލީކްސްއިން އިކުއެޑޯއާ ގުޅޭ ލިޔެކިޔުންތަކެއް ލީކުކޮށްލުމާ ގުޅިގެން ނިންމި ނިންމުމެކެވެ.

އެކްސްޓްރެޑިޝަންގެ ދަށުން އިނގިރޭސި ވިލާތުން އެމެރިކާއާ އަސާންޖް ހަވާލުކޮށްދިނުމަށް އެމެރިކާ އިން ވެސް އެދެއެވެ. އެމެރިކާއިން އޭނާ ބޭނުންވެގެން އުޅެނީ 2010 ވަނަ އަހަރު އަސްކަރީ އަދި ޑިޕްލޮމެޓިކް މައުލޫމާތުތަކެއް އާއްމުކުރުމުގައި އޭނާ އަދާކޮށްފައިވާ ކަމަށް ބެލެވޭ ދައުރާއި ގުޅިގެންނެވެ.

 

އެންމެ ފަހުން އަޕްޑޭޓް ކުރީ: 5 ދުވަަސް ކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް