އާދީއްތަ 05 ޖުލައި 2020
05 ފުނޯސް
1441 ޒުލްގައިދާ 14
ފަތިސް 04:40
އިރުއަރާ 05:58
މެންދުރު 12:14
އަސްރު 15:38
އިރުއޮއްސޭ 18:23
އިޝާ 19:41
ފާތިމަތު ދީމާ

އޭޝިއަން ޓީޓީ ހޯޕްސް އިވެންޓްގެ ސެމީއަށް ދީމާ

  • ދީމާ ވަނީ ކުޅުނު ހަތަރު މެޗުގެ ތެރެއިން ތިން މެޗު ކާމިޔާބުކޮށްފައި

ކ. މާލެ | 12 މެއި 2019 | އާދީއްތަ 18:02 | 2,050

އޭޝިއަން ޓީޓީ ހޯޕްސް އިވެންޓްގެ ތެރެއިން - ޓްވިޓަރ

އޭޝިއާ ސަރަހައްދުން 12 އަހަރުން ދަށުގެ މޮޅެތި ކުޅުންތެރިންނަށް އަމާޒުކޮށްގެން ބާއްވާ އޭޗިއަން ޓީޓީ ހޯޕްސް އިވެންޓްގެ ސެމީ ފައިނަލަށް ރާއްޖޭގެ ފާތިމަތު ދީމާ ދަތުރު ކޮށްފިއެވެ.

ތައިލޭންޑްގައި ކުރިޔަށްދާ މި މުބާރާތުގައި ދީމާ ކުޅުނު ފުރަތަމަ މެޗުން އިންޑިއާގެ ކުޅުންތެރިޔަކާ ވާދަކޮށް 0-3 ގެ ނަތީޖާއަކުން ބަލިވި ނަމަވެސް، ޖެހިގެން އައި ތިން މެޗު ވެސް އޭނާ ވަނީ ކާމިޔާބު ކޮށްފައެވެ.

އެގޮތުން ދެވަނަ މެޗުގައި ލެބްނާން ކުޅުންތެރިޔަކާ ދެކޮޅަށް ކުޅުނު މެޗު 0-3 ގެ ނަތީޖާއިން ކާމިޔާބުކުރިއިރު، ތިންވަނަ މެޗު ތައިލޭންޑް ކުޅުންތެރިޔަކާ ވާދަކޮށް 0-3 ގެ ނަތީޖާއިން ވަނީ ކާމިޔާބު ކޮށްފައެވެ. އަދި ހަތަރުވަނަ މެޗު ދީމާ ކާމިޔާބުކުރީ ކަޒަކިސްތާން ކުޅުންތެރިޔަކާ ވާދަކޮށް 1-3 ގެ ނަތީޖާއަކުންނެވެ.

މުބާރާތުގެ ސެމީގައި ދީމާ ނިކުންނާނީ އިރާން ކުޅުންތެރިޔަކާ ދެކޮޅަށެވެ. މި މެޗު ކުޅޭނީ ހޯމަ ދުވަހުއެވެ.

ދީމާ ވަނީ މި އަހަރު އިންޓަނޭޝަނަލް ޓޭބަލް ޓެނިސް ފެޑެރޭޝަނުގެ މެމްބަރު ގައުމުތަކުގައި ބާއްވާ ރީޖަނަލް ހޯޕްސް ވީކްގެ ޗެމްޕިއަންކަން ވެސް ހޯދާފައެވެ. އޭނާ މި މުބާރާތުގެ ޗެމްޕިއަންކަން ހޯދީ ކުޅުނު ހުރިހާ މެޗެއް ކާމިޔާބު ކޮށްގެންނެވެ.

 

އެންމެ ފަހުން އަޕްޑޭޓް ކުރީ: 4 މަސް ކުރިން | ރިވިއު ކުރީ: ހުޝާމް މުހަޢްމަދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.