މަރުވި ޔޫކްރެއިންގެ މީހާގެ ހަށިގަނޑު އޭނާގެ އާއިލާއާ ހަވާލު ކޮށްފި
9 މެއި 2019 | ބުރާސްފަތި 09:12ހަށިގަނޑު ފޮނުވާލުމުގެ ހުރިހާ ޚަރަދެއް ކުރަނީ އެމްޓީސީސީއިން
އެ މީހާ ގައިގާ ބަސް ޖެހުނީ ހިނގާފައި ދަނިކޮށް
މިދިޔަ ހޯމަ ދުވަހު ހުޅުމާލޭގައި އެކްސިޑެންޓްވެ މަރުވި ޔޫކްރެއިންގެ އަންހެން މީހާގެ ހަށިގަނޑު އޭނާގެ އާއިލާއާ ހަވާލުކޮށްފިއެވެ.
އެ އަންހެން މީހާގެ ހަށިގަނޑު ގައުމަށް ފޮނުވާލުމުގެ މަސައްކަތް ކުރަމުންދާ ކަމަށް އެމްޓީސީސީން ބުނެއެވެ. އަދި ހަށިގަނޑު ފޮނުވާލުމުގެ ހުރިހާ ޚަރަދެއް ކުރަނީ އެމްޓީސީސީ އިންނެވެ.
ހުޅުމާލޭ ފިތުރޯނުމަގު ފިއުލްސަޕްލައި ސްޓޭޝަން ކައިރީ ހިނގި އެކްސިޑެންޓްގައި ޔޫކްރެއިންގެ އަންހެން މީހާ މަރުވެފައިވަނީ ހެނދުނު ޖޮގިންއަށް ނުކުމެ އުޅެނިކޮށް އޭނާގެ ގައިގައި ބަސް ޖެހި ބަހުގެ ދަށުވެގެންނެވެ.
އެމީހާގެ ހަށިގަނޑު ވަނީ ބޭރަށް ގެންދެވެންދެން މޯޗަރީއަށް ލާފައެވެ.
ބަސް ދުއްވި މީހާއަކީ އެއްގަމު އުޅަނދު ދުއްވުމުގެ ލައިސަންސް އޮންނަ ދިވެހި ފިރެހެނެކެވެ. މި އެކްސިޑެންޓާ ގުޅިގެން ފިރިހެން މީހާ ވަނީ ހައްޔަރު ކޮށްފައެވެ.
