ހަތަރު ފުރޮޅުލީ އުޅަނދުތަކަށް މަޖީދީމަގުގައި އެއްކޮޅަށް ދުއްވޭ ގޮތް ހަދަނީ
8 މެއި 2019 | ބުދަ 15:35ރަމަޟާން މަހާ ދިމާކޮށް މާލޭގެ ޓްރެފިކް ފްލޯއަށް ބޮޑަތި ބަދަލުތަކެއް ވަނީ ގެނެސްފައި
ބައެއް ގަޑިތަކުގައި ހަތަރު ފުރޮޅުލީ އުޅަދުތަކަށް މަޖީދީމަގުގައި އެއްކޮޅަށް ދުއްވޭ ގޮތަށް ހަދަން ނިންމައިފިއެވެ.
މޯލްޑިވްސް ޕޮލިސް ސަވިސްއިން ބުދަ ދުވަހު ކުރައްވަފައިވާ ޓްވީޓެއްގައި ބުނީ މުދާ އުފުލާގަޑިތަކާއި ސްކޫލުތައް ނިމޭ ގަޑި ދިމާވުމުގެ ސަބަބުން މަޖީދީމަގުގެ ޓްރެފިކް ބާރުބޮޑުވާތީ މެއި މަހުގެ 9 ވަނަ ދުވަހުން ފެށިގެން ކޮންމެ ރަސްމީ ދުވަހެއްގެ ހެނދުނު 08:00 އިން މެންދުރު 14:00 އަށް ހަތަރުފުރޮޅުލީ ވެހިކަލްތަކަށް މަޖީދީ މަގުގައި ދުއްވޭނީ އެއްކޮޅައް ކަމަށެވެ.
މި ރަމަޟާން މަހާއި ދިމާކޮށް މާލޭގެ ޓްރެފިކް ފްލޯއަށް ބޮޑަތި ބަދަލުތަކެއް ގެނެސްފައިވާއިރު މާލޭ ސިޓީގައި ކާރުބާރު ބޮޑުވާ ސަރަހައްދު ތަކުގެ ޓްރެފިކްގެ ކަންކަން ބެލެހެއްޓުމަށްވެސް ފުލުހުން ވަނީ ޚާއްސަ އޮޕަރޭޝަނެއް ފަށާފައެވެ.
އެގޮތުން ބުރިޖަށް އުޅަނދު ފަހަރު އަރަންވާނީ މާލޭގެ ދެކުނު ފަރާތު ބޮޑުތަކުރުފާނު މަގުން ކަމަށާއި، އަދި ބުރިޖުމަތީގައި ހެވީ ވެހިކަލްތައް އެއްވެސް ގަޑިއެއްގައި ދުއްވުމަކީ މަނާ ކަމެއް ކަމަށް ފުލުހުން ވަނީ ކަނޑައަޅާފަ އެވެ.
