ބަސް ޑްރައިވަރުގެ ބަންދަށް 3 ދުވަސް ޖަހައިފި
ފުލުހުން ބުނީ އެކްސިޑެންޓް ހިނގުމަށް މެދުވެރިވީ ބަސް ޑްރައިވަރަށް ނިދިގެން ކަމަށް ބެލެވޭކަމަށް
ބަސް އެކްސިޑެންޓްގައި މަރުވި މީހާގެ ގައިގައި ޖެހުނީ ހިނގާފައި ދަނިކޮށް
އެމްޓީސީސީގެ ބަހެއް އެކްސިޑެންޓްވެ ޔޫކްރެއިންގެ 31 އަހަރުގެ އަންހެނެއް މަރުވި މައްސަލާގައި ހައްޔަރުކުރި ބަސް ޑްރައިވަރުގެ ބަންދަށް 3 ދުވަސް ޖަހައިފި އެވެ.
ޔޫކްރެއިންގެ އަންހެން މީހާ މަރުވެފައިވަނީ އޭނާ ހިނގާފައިދަނިކޮށް އޭނާގެ ގައިގައި ބަސް ޖެހި ބަހުގެ ދަށުވެގެންނެވެ. ފުލުހުން ބުނީ އެކްސިޑެންޓް ހިނގުމަށް މެދުވެރިވީ ބަސް ޑްރައިވަރަށް ނިދިގެން ކަމަށް ބެލެވޭ ކަމަށެވެ.
ފުލުހުން ބުނީ ބަސް ޑްރައިވަރުގެ ބަންދުގެ މުއްދަތު ޖެހުމަށް ކްރިމިނަލް ކޯޓަށް ހާާޒިރުކުރުމުން، އޭނާގެ ބަންދަށް 3 ދުވަސް ޖަހާފައިވާ ކަމަށެވެ. އަދި މައްސަލަ އިތުރަށް ތަހުޤީޤް ކުރަމުން އަންނަ ކަމަށް ވެސް ފުލުހުން ބުންޏެވެ.
ބަސް ދުއްވި މީހާއަކީ އެއްގަމު އުޅަނދު ދުއްވުމުގެ ލައިސަންސް އޮންނަ ދިވެހި ފިރިހެނެކެވެ.
