ދުނިޔެ
ރަޝިއާ ފްލައިޓްގައި ރޯވުން
ރަޝިއާގެ ފްލައިޓެއްގައި ރޯވެ 13 މީހަކު މަރުވެއްޖެ
ފްލައިޓުން 73 ފަސިންޖަރުން ދަތުރުކުރި
ލީވާން އަލީ, ރާއްޖެ އެމްވީ | 5 މެއި 2019 | އާދީއްތަ 18:50
ރޯވި ރަޝިއާގެ ފްލައިޓް | ޓްވިޓަރ
ރަޝިއާގެ އެއާލައިނެއް ކަމަށްވާ އެރޯފްލޮޓްގެ ފްލައިޓެއްގައި ރޯވެ 13 މީހަކު މަރުވެއްޖެއެވެ.
އެރޯފްލޮޓް ފްލައިޓް އެސްޔޫ 1492 ގައި ރޯވީ މޮސްކޯއިން މަރްމަންސްކްއަށް ދަތުރުކުރަނިކޮށެވެ. ރޯވުމުން ފްލައިޓް ވަނީ އެމަރޖެންސީކޮށް އަނބުރާ މޮސްކޯ ޝެރެމެޓީވޯ އެއާޕޯޓަށް ޖައްސާފައެވެ.
ޖުމްލަ 73 މީހުން ދަތުރުކުރި މި ފްލައިޓް އެމަރޖެންސީކޮށް މޮސްކޯ ޝެރެމެޓީވޯ އެއާޕޯޓަށް ޖެއްސުމުން ފްލައިޓުގައި ތިބި ފަސިންޖަރުން ވަނީ އެމަރޖެންސީ ދޮރުތަކުން ބާލާފައެވެ.
ސޯޝަލް މީޑިއާގައި ދައުރުވާ ފޮޓޯ އާއި ވީޑިއޯތަކުން ފެންނަ ގޮތުގައި ފްލައިޓުގައި ވަނީ ވަރަށް ބޮޑަށް ރޯވެފައެވެ. އަދި ކަމާބެހޭ ފަރާތްތަކުން އެ ސަރަހައްދުގައި ހަރަކާތްތެރިވާތަން ވެސް މަންޒަރުތަކުން ފެނެއެވެ.
