ރޯދަ މަހު ވެމްކޯގެ ޚިދުމަތް ދޭނެ ގަޑިތައް އާންމު ކޮށްފި
2 މެއި 2019 | ބުރާސްފަތި 09:03ކުނި އުކާ ގަޑިތަކަށް ސަމާލްވުމަށް ވެމްކޯއިން އިލްތިމާސްކުރި
ވެމްކޯގެ މުއައްޒިފެއް ކުނި އުކުމުގައި
ކުރިއަށް އޮތް ރަމަޟާން މަހު ވޭސްޓް މެނޭޖްމަންޓް ކޯޕަރޭޝަން ( ވެމްކޯ )އިން ޚިދުމަތް ދޭނެ ގަޑިތައް އާންމު ކޮށްފިއެވެ.
ވެމްކޯއިން ބުރާސްފަތި ދުވަހު ކޮށްފައިވާ އިއުލާނެއްގައި ބުނެފައިވަނީ ރަމަޟާން މަހުގެ ފުރަތަމަ ދުވަސް ބަންދުވާނީ ހަމައެކަނި ވެމްކޯގެ ކޯޕަރޭޓް އޮފީސް ތަކަށް އެކަނި ކަމަށާއި އެގޮތުން އެ އޮފީސްތަކުގެ ރަސްމީ ގަޑިއަކީ ސަރުކާރުގެ އޮފީސްތަކޭ އެއްގޮތަށް ހެނދުނު 9:00 އިން މެންދުރު 1:00 އަށް ކަމަށެވެ. ކުނި ނެގުން ހަފްތާގެ ހަތް ދުވަހު ކުރިޔަށް ދާ އިރު ގަޑިތަކަށް ވަނީ ބަދަލުއައިސްފައެވެ.
ވެމްކޯއިން ރޯދަމަހު ހިދުމަތް ދޭ ގަޑިތައް
ކަލަންޑަރުގައިވާ ގޮތުން އަންނަ ރަމަޟާން މަހުގެ ފުރަތަމަ ދުވަހަކީ މެއި 6 އެވެ. ވެމްކޯގެ ކުނި އުކާ ގަޑިތަކަށް ބަދަލު އައިސްފައި ވާއިރު ހުރިހާ ކަސްޓަމަރުން ވެސް ގަޑިއަށް ސަމާލުުވުމަށް ވެމްކޯއިން ވަނީ އިލްތިމާސް ކޮށްފައެވެ. ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ވަނީ އަންނަ ހަފްތާގެ އާދިއްތަ ދުވަސް ވެސް ރޯދަމަހަށް ތައްޔާރުވުމުގެ ގޮތުން ބަންދު ދުވަހެއްގެ ގޮތުގައި ކަނޑައަޅާފައެވެ.
