ރޯދަ މަހު ބީއެމްއެލްގެ ޚިދުމަތް ދޭނެ ގަޑިތައް އާންމު ކޮށްފި

ކުރިއަށް އޮތް ރަމަޟާން މަހު ބޭންކް އޮފް މޯލްޑިވްސް (ބީއެމްއެލް) އިން ޚިދުމަތް ދޭނެ ގަޑިތައް ހާމަ ކޮށްފިއެވެ.

ބީއެމްއެލުން ބުނީ އެ ބޭންކުގެ ހިދުމަތް ރޯދަމަހު ދިނުމަށް ހަމަޖެހިފައި ވަނީ ހުކުރު ހޮނިހިރު ފިޔަވައި ކޮންމެ ދުވަހެއްގެ ހެނދުނު 9:00 އިން މެންދުރު 12:00 އަށް ކަމަށެވެ. އަދި ރަމަޟާން މަހުގެ ފުރަތަމަ ދުވަހު އެ ބޭންކުގެ ހުރިހާ ބްރާންޗެއް ވެސް ބަންދު ވާނެ ކަމަށެވެ.

އަންނަ ރަމަޟާން މަހު ސަރުކާރުގެ މުއައްޒަފުން މަސައްކަތް ކުރަންޖެހޭ ގަޑިއަކީ ހެނދުނު 9:00 އިން މެންދުރު 1:00 އަށް ކަމަށް ރައީސް އޮފީހުން ވަނީ ކަނޑައަޅާފައެވެ.

ކަލަންޑަރުގައިވާ ގޮތުން އަންނަ ރަމަޟާން މަހުގެ ފުރަތަމަ ދުވަހަކީ މެއި 6 އެވެ.