ބޮޑުތަކުރުފާނު މަގުގައި އެކްސިޑެންޓެއް ހިނގައިފި
27 އެޕްރީލު 2019 | ހޮނިހިރު 18:53އެކްސިޑެންޓް ހިނގީ ސައިކަލަކާއި ވޭނެއް ޖެހިގެން
ބޮޑުތަކުރުފާނު މަގުގައި ހިނގި އެކްސިޑެންޓް
ބޮޑުތަކުރުފާނު މަގުގައި ވޭނަކާއި ސައިކަލެއް ޖެހި އެކްސިޑެންޓެއް ހިނގައިފިއެވެ.
ހޮނިހިރު ދުވަހުގެރޭ މި އެކްސިޑެންޓް ހިނގީ ވޭނަކާއި ސައިކަލެއް ޖެހިއެވެ. އެކްސިޑެންޓުގައި ސައިކަލުގައި ތިބި ދެމީހުންނަށް އަނިޔާވެފައިވާއިރު، ވޭން ދުއްވަން އިނީ ރާއްޖޭގައި މަސައްކަތްކުރާ ބަންގްލަދޭޝްގެ ރައްޔިތެކެވެ.
މި އެކްސިޑެންޓް ހިނގި ވަގުތު އެތަުގައި ހުރި ރާއްޖެއެމްވީގެ ނޫސްވެރިއަކު ބުނީ، މި އެކްސިޑެންޓް ހިނގީ ބޮޑު ތަކުރުފާނު މަގުން ދުއްވާފައި ދިޔަ ސައިކަލެއް މާފަތްތަކުރުފާނު މަގަށް އެޅުމަށް ލަނބާލި ވަގުތު ފަހަތުން އައި ވޭން ކޮންޓްރޯލް ނުވެގެން އެ ސައިކަލުގައި ޖެހިގެން ކަމަށެވެ.
މާލޭގެ ބޮޑުތަކުރުފާނު މަގުގައި އެކްސިޑެންޓެއް ހިނގާފައިވާއިރު، ހޮނިހިރު ދުވަހުގެ މެންދުރުފަހުގެ ވަގުތެއްގައި ހުޅުމާލޭގައި ދުއްވި ކާރެއް ކޮންޓްރޯލްނުވެގެން ގަހެއްގައި ޖެހި ވަނީ އެކްސިޑެންޓްއެއް ހިނގާފައެވެ.
ހޮނިހިރު ދުވަހުގެރޭ މާލޭގައި ހިނގި އެކްސިޑެންޓް ފުލުހުން މިހާރު ދަނީ ތަހުގީގު ކުރަމުންނެވެ.
