ބެރިކޭޑެއްގައި ޖެހި އައްޑޫ ސިޓީ ލިންކު ރޯޑްގައި ނުރައްކާތެރި އެކްސިޑެންޓެއް ހިނގައިފި
4 އެޕްރީލު 2017 | އަންގާރަ 00:56އެނގިފައިވާ ގޮތުގައި އަނިޔާވެފައިވަނީ ސައިކަލުގައި ތިބި، ބައްޕައަކާއި ދަރިފުޅަކަށް
އައްޑޫ ސިޓީ ލިންކް ރޯޑްގައި އެކްސިޑެންޓް ހިނގި ސަރަހައްދުގައި އާންމުންތަކެއް
ބެރިކޭޑެއްގައިޖެހި އައްޑޫ ސިޓީ ލިންކު ރޯޑްގައި ނުރައްކާތެރި އެކްސިޑެންޓެއް ހިނގައި ދެ މީހަކަށް ބޮޑެތި އަނިޔާތަކެއްވެއްޖެ އެވެ.
ރާއްޖެޓީވީއަށް އެނގިފަިއވާގޮތުގައި އެކްސިޑެންޓް ހިނގީ، އައްޑޫ ސިޓީ ކުނިކޮށި ހިސާބުގައި ޖަހާފައިހުރި ބެރިކޭޑްތަކެއްްގައި ޖެހިގެންނެވެ. އަދި އަނިޔާވެފައިވަނީ ސައިކަލުގައި ދުއްވާފައިދިޔަ ދެމީހުންނަށް ކަަމަށާއި، އެއީ ބައްޕައަކާއި ދަރިއެއްކަމަށް އެނގިފައިވެއެވެ.
އެކްސިޑެންޓް ހިނގާފައިވަނީ ހޯމް ދުވަހުގެ ރޭ 12:10 ކަން ހާއިރުގައެވެ.
ދެ މީހުންނަށްވެސް ހޮސްޕިޓަލުގައި ފަރުވާދެމުންއަންނައިރު، ދެމީހުންނަށްވެސް އެކި ވަރުގެ ބޮޑެތި ޒަހަމްތަކެއްލިބިފައިވެއެވެ. އެގޮތުން ބައެއްތަންތަން މަށައިގެންގޮސް، ލޭތައް އައިސްފައިވާ މަންޒަރު އެ ސަރަހައްދުގައި ތިބި ބައެއް އާންމުންނަށް ވަނީ ފެނިފަ އެވެ.
ފުލުހުންގެ މީޑިއާ އޮފިޝަލް ފޯނަށް ޖަވާބު ނުދެއްވާތީ، ފުލުހުންގެ ބަހެއް ލިބިފައިނުވާއިރު، ލިބިފަިއވާ އަނިޔާތަކުގެ ތަފްސީލް ލިބޭގޮތްވެފައެއް ނުވެއެވެ.
