މޮންގޯލިއާގެ އިމާރާތްކުރުމުގެ ދާއިރާގެ ގައުމީ މައުރަޒު މަސީގެ ރައީސް އިފްތިތާހު ކޮށްދެއްވައިފި
ކޮންސްޓްރަކްޝަން ދާއިރާގައި ދެ ޤައުމުގެ ގުޅުން ބަދަހިކުރުމަށް މަޝްވަރާކުރެއްވި
މަސީގެ ރައީސް މުޙައްމަދު އަލީ ޖަނާޙް
މޯލްޑިވްސް ނެޝަނަލް އެސޯސިއޭޝަން އޮފް ކޮންސްޓްރަކްޝަން އިންޑަސްޓްރީ އަދި އިންޓަރނޭޝަނަލް ފެޑަރޭޝަން އޮފް އޭޝިއަން ވެސްޓަން ފެސިފިކް ކޮންޓްރެކްޓަރސް އެސޯސިއޭޝަން ( އިފޮޕްކާ ) ގެ ރައީސް މުޙައްމަދު އަލީ ޖަނާޙް މޮންގޯލިއާގެ އިމާރާތް ކުރުމުގެ ދާއިރާގެ ގައުމީ މައުރަޒު އިފްތިތާހް ކޮށްދެއްވައިފިއެވެ.
މޮންގޯލިއަން ނޭޝަނަލް ކޮންޓްރެކްޓަރސް އެސޯސިއޭޝަންގެ 10 ވަނަ އަހަރީ ދުވަހުގެ މުނާސަބަތުގައި ބޭއްވި ހަފްލާގައި ވާހަކަފުޅު ދައްކަވަމުން ޖަނާޙު ވަނީ މޮންގޯލިއަން ނެޝަނަލް ކޮންސްޓަރަކްޝަން އެސޯސިއޭޝަންގެ މަސަތްކަތްތަކަށް ތަޢުރީފު ކުރައްވާފައެވެ. އަދި ޖަނާޙު ވަނީ 2020 ވަނަ އަހަރު ރާއްޖޭގައި ބޭއްވުމަށް ހަމަޖެހިފައިވާ އިފޮޕްކާގެ 45 ވަނަ ކޮންވެންޝަންގައި ބައިވެރިވުމަށް އެ އެސޯޝިއަން އަށް ދަޢުވަތު އަރުވައި ކޮންސްޓްރަކްޝަން ދާއިރާގައި ދެ ޤައުމުގެ ގުޅުން ބަދަހިކުރުމަށް ކުރެވޭނެ ކަންތައްތަކާއި ބެހޭގޮތުން ވާހަކަ ދައްކާފައެވެ.
މަސީއަކީ ރާއްޖޭގެ އިމާރާތްކުރުމުގެ ދާއިރާގައި ހަރަކާތްތެރިވާ ކުންފުނިތައް ހިމަނައިގެން މި ދާއިރާ ކުރިއެރުވުމަށް 2001 ވަނަ އަހަރު އުފެއްދި ކުންފުންޏެކެވެ.
