ހޮނިހިރު 25 މެއި 2019
06 ރޯނު
1440 ރަމަޟާން 20
ފަތިސް 04:34
އިރުއަރާ 05:51
މެންދުރު 12:07
އަސްރު 15:29
މަޣްރިބް 18:15
އިޝާ 19:32
ރާއްޖެ - ފަޒްނާ އަހުމަދު

ރައީސުލްޖުމްހޫރިއްޔާގެ އަނބިކަނބަލުން ޓީއެފްޖީ ލޯންގް ރަން 2019 ގައި ބައިވެރިވެވަޑައިގެންފި

  • އެކަމަނާގެ އަރިހުގައި ގިނަ އަދަދެއްގެ ދުވުންތެރިން ބައިވެރިވެވަޑައިގެންނެވި

އަމްނާ އިމާދު
@amnabinthimad

ކ. މާލެ 19 އޭޕުރިލް 2019 | ހުކުރު 11:57 6,637

ރައީސުލްޖުމްހޫރިއްޔާގެ އަނބިކަނބަލުން ފަޒްނާ ދުވުމުގައި ބައިވެރިވެވަޑައިގަންނަވަނީ - ރާއްޖެއެމްވީ

ރައީސުލްޖުމްހޫރިއްޔާގެ އަނބިކަނބަލުން ފަޒްނާ އަޙްމަދު "ޓީއެފްޖީ ލޯންގް ރަން 2019" ދުވުމުގައި ބައިވެރިވެވަޑައިގެންފިއެވެ.

ހުކުރު ދުވަހު ހެނދުނު އޮތް މިދުވުމުގެ ހަރަކާތުގައި އެކަމަނާގެ އަރިހުގައި ގިނަ އަދަދެއްގެ ދުވުންތެރިންވެސް ބައިވެރިވެވަޑައިގެންނެވިއެވެ. ފަޒްނާ ދުވުން ނިންމަވާލެއްވިއިރު، ރައީސް އިބްރާހިމް މުހައްމަދު ސޯލިހް، ދުވުން ބައްލަވާލެއްވުމަށް އެ ސަރަހައްދަށް ވަޑައިގެން ހުންނެވި އެވެ. 

މި ހަރަކާތަކީ ޓީއެފްޖީގެ ފަރާތުން އިންތިޒާމްކޮށްގެން ހުޅުމާލޭގައި ބޭއްވި ދުވުމުގެ ބޮޑު ހަރަކާތެކެވެ.

މި ދުވުމުގެ ހަރަކާތުގައި 2000 ހެއްހާ މީހުން ބައިވެރިވި ކަމަށް ކަމަށް ޓީއެފްޖީން ބުނެ އެވެ. މި ދުވުމުގައި މެރެތަން އާއި ހާފް މެރެތަންގެ އިތުރުން 10 ކިލޯމީޓަރުގެ ދުވުމާއި ފަސް ކިލޯ މީޓަރަށް ދުވެފައިވެއެވެ.

ޓީއެފްޖީން ވަނީ މިއަހަރުގެ ދުވުމާއި ގުޅިގެން މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރްސީ) އާއިއެކު އެއްބަސްވުމެއްގައިވެސް ސޮއިކޮށްފަ އެވެ. އެ އެއްބަސްވުމާއެކު ރާއްޖޭގައި ސްޕޯޓްސް ޓޫރިޒަމް ޕްރޮމޯޓް ކުރުމަށް ވަނީ ހަމަޖެހިފަ އެވެ. 

މިދިޔަ ޖެނުއަރީ މަހުގައި، ލ. ގަމުގައި ބޭއްވި ޓީއެފްޖީ މެރަތަންގައި ރައީސް ސޯލިހު ބައިވެރިވެވަޑައިގެންފައެވެ. ޓީއެފްޖީން އަންނަނީ ކޮންމެ އަހަރަކު ވެސް އެކި ދުވުންތައް ބާއްވަމުންނެވެ.

އެންމެ ފަހުން އަޕްޑޭޓް ކުރީ: 4 ދުވަަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

އެންމެ ފަހުގެ

ކޮމެންޓް