އަކްރަމްގެ ސަސްޕެންޝަން އުވާލައިފި
16 އެޕްރީލު 2019 | އަންގާރަ 10:47އަކްރަމްގެ އެއްވެސް މައްސަލައެއް ނެތް ކަމަށް އޭސީސީ އާއި ފުލުހުން ވަނީ ނިންމާފައި
މިނިސްޓަރ އޮފް ސްޓޭޓް ފޮރ ނޭޝަނަލް ޕްލޭނިންގް އެންޑް އިންފްރާސްޓްރަކްޗަރ އަކްރަމް
މިނިސްޓަރ އޮފް ސްޓޭޓް ފޮރ ނޭޝަނަލް ޕްލޭނިންގް އެންޑް އިންފްރާސްޓްރަކްޗަރ އަކްރަމް ކަމާލުއްދީންގެ ސަސްޕެންޝަން އުވާލައިފިއެވެ.
އަކްރަމްއާއެކު ސަސްޕެންޑްކޮށްފައިވާ ފަރާތްތަކުގެ ތެރެއިން މިހާތަނަށް ސަސްޕެންޝަން އުވާލާފައިވަނީ ޔޫތް ސްޕޯރޓްސް އެންޑް އެންޕަވަރމެންޓް އަހްމަދު މަހްލޫފްގެއެވެ. އެހެން މީހުންގެ ސަސްޕެންޝަނާއި މެދު އަދި ގޮތެއް ނުނިންމައެވެ.
އަކްރަމް މަގާމުގެ މަސްއޫލިއްޔަތުން އެކަހެރިކޮށްފައިވަނީ އޭސީސީން ނެރުނު އެމްއެމްޕީއާރްސީގެ ހިޔާނާތުގެ ރިޕޯޓްގައި އެސްއޯއެފް ކުންފުނިން ޑޮލަރު ގަތް މީހުންގެ ނަންތަކުގެ ތެރޭގައި، އޭނާގެ ނަން އޮތުމުގެ ސަބަބުން ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުގެ އެންގެވުމުގެ މަތިންނެއެވެ.
މިއީ ސަރުކާރުގެ ކޮރަޕްޝަނަަށް ގެންގުޅޭ "ޒީރޯ ޓޮލަރެންސް " ޕޮލިސީގެ ދަށުން އެޅުއްވި ފިޔަވަޅެކެއެވެ.
އަކްރަމްގެ ސަސްޕެންޝަން އުވާލާފައި މި ވަނީ އެންޓި ކޮޕރަޕްޝަން ކޮމިޝަނާއި ފުލުހުން ވެސް މި މައްސަލަ ތަހްގީގުކޮށް ބެލުމަށް ފަހު އެއްވެސް މައްސަލައެއް ނެތުމުން ކަމަށް ސަރުކާރުގެ ތަރުޖަމާނު ވިދާޅުވެފައި ވެއެވެ.
