ރަމަޟާންމަހު ކެއިން ބުއިމުގެ ޚިދުމަތްދޭ ތަންތަން ބަންދުކުރަންޖެހޭ ގަޑި ހަމަޖައްސައިފި
ރަމަޟާން މަސް ފެށެނީ އަންނަ މެއި މަހުގެ ހައެއްގައި
ރެސްޓޯރެންޓެއް
ކުރިއަށް އޮތް ރަމަޟާން މަހާއި ޝައްވާލުމަހުގެ ފުރަތަމަ ހަތް ދުވަހު ތެރޭގައި ކެއިން ބުއިމުގެ ޚިދުމަތްދޭ ތަންތަން ބަންދުކުރަން ޖެހޭ ގަޑި ހަމަޖައްސައިފިއެވެ.
މިނިސްޓްރީ އޮފް އިކޮނޮމިކް ޑިވެލޮޕްމަންޓް އިން ކޮށްފައިވާ އިއުލާނެއްގައި ވަނީ ރަމަޟާންމަހުގެ ރޭތަކާއި ޝައްވާލްމަހުގެ ފުރަތަމަ ހަތް ދުވަހުގެ ރޭތަކުގައި ސައި ހޮޓާ، ރެސްޓޯރަންޓު އަދި ކެންޓީނު ފަދަ ތަންތަނުން ކެއިންބުއިމުގެ ޚިދުމަތް ދިނުމަށް ހުޅުވާފައި ބަހައްޓަންވާނީ އެދުވަހެއްގެ އިރުއޮއްސުމާ މެންދަމު 3:00 އާ ދެމެދުގައި ކަމަށެވެ.
އެހެންކަމުން ދިވެހިރާއްޖޭގައި މީހުން ދިރިއުޅޭ ރަށްތަކުގައި ހިންގާ ކެއިންބުއިމުގެ ޚިދުމަތްދޭ ތަންތަނުން އެ ގޮތަށް ޢަމަލު ކުރުމަށް މިނިސްޓްރީން ވަނީ އެދިފައެވެ.
ރަމަޟާން މަސް ފެށެން ބާކީ އޮތީ 24 ދުވަހެވެ. ރަމަޟާން މަސް ފެށެނީ އަންނަ މެއި މަހުގެ ހައެއްގައެވެ.
