އީރާނުގެ އެލީޓް ރިވޮލިއުޝަނަރީ ގާޑް ކޯޕްސްއަކީ ޓެރެރިސްޓް ޖަމާއަތެއް ކަމަށް އެމެރިކާގެ ރައީސް ޑޮނަލްޑް ޓްރަމްޕް ހޯމަ ދުވަހު ކަނޑައަޅުއްވައިފިއެވެ.
މިއީ ބޭރު ގައުމެއްގެ އަސްކަރިއްޔާއެއް ޓެރެރިސްޓް ޖަމާއަތެއްގެ ގޮތުގައި ވޮޝިންގޓަނުން ކަނޑައެޅި ފުރަތަމަ ފަހަރެެވެ.
އެމެރިކާގެ މި ނިންމުމާއެކު އިރާނުންވަނީ އެ ގައުމަށް ރައްދުދީ އެ ގައުމަކީ ޓެރެރިޒަމަށް ސްޕޮންސަރ ދޭ ގައުމެއް ކަމަށާއި އަދި އީރާން ސަރަހައްދުގައި މަސައްކަތް ކުރާ އެމެރިކާގެ ފައުޖުތަކަކީ ޓެރެރިސްޓް ގްރޫޕްތައް ކަމަށް ކަނޑައަޅާފައިވާ ކަމަށް ދައުލަތުގެ މީޑިއާގައި ރިޕޯޓް ކޮށްފައިވެއެވެ.
މީގެ އިތުރުން އީރާނުންވަނީ އެމެރިކާގެ އެ ނިންމުމަކީ ޣައިރުގާނޫނީ ނިންމުމެއްްކަމަށް ބުނެ އެކަން ކުށްވެރިކޮށްފައި ކަމަށް ވެސް އީރާނުގެ ދައުލަތުގެ ޓީވީން ވަނީ ރިޕޯޓް ކޮށްފައެވެ.
އެމެރިކާއިންވަނީ އެލީޓް ރިވޮލިއުޝަނަރީ ގާޑް ކޯޕްސްއާ ގުޅުން އޮންނަ ބައެއް ތަންތަނާއި މީހުން ވެސް ބްލެކް ލިސްޓްކޮށްފައެވެ.
އީރާނަށް އަޅަން އުޅޭ ކަމަށް މީގެ ކުރިން ރިޕޯޓް ކޮށްފައިވާ ދަތިކުރުމުގެ މާލީ ފިޔަވަޅުތައް އަޅުއްވާނެކަން ރައީސް ޓްރަމްޕް ހޯމަ ދުވަހުވަނީ ކަށަަވަރު ކޮށްދެއްވާފައެވެ.
