ރައީސް ޓްރަމްޕްގެ ހޯމްލޭންޑް ސެކިއުރިޓީގެ އިސްވެރިޔާ އިސްތިއުފާ ދެއްވައިފި
8 އެޕްރީލު 2019 | ހޯމަ 08:32އިސްތިއުފާދެއްވި ސީދާ ސަބަބެއް ސިޓީގައި ހާމަކޮށްފައެއް ނުވޭ
ނިލްސެން ފުރަތަމަ ގުޅިވަޑައިގެންނެވީ 2017 ގެ ޖެނުއަރީ މަހު
ރައީސް ޑޮނަލްޑް ޓްރަމްޕްއަށް އެންމެ ފާޑުކިޔުން އަމާޒުވި ބޯޑަރ ކޮންޓްރޯލްގެ ބައެއް ސިޔާސަތު ތަންފީޒު ކޮށްދެއްވި އެމެރިކާގެ ހޯމްލޭންޑް ސެކިއުރިޓީ، ސެކްރެޓަރީ ކިރްސްޓެން ނިލްސެން އިސްތިއުފާ ދެއްވައިފިއެވެ.
ނިލްސެން ވަނީ އެ ޑިޕާޓްމަންޓްގައި މަސައްކަތް ކުރައްވަން ލިބިވަޑައިގެންނެވުމަކީ ޝަރަފެއް ކަމަށް ވިދާޅުވެފައެވެ.
ރައީސް ޑޮނަލްޑް ޓްރަމްޕްވަނީ އެކަމަނާގެ ބަދަލުގައި އެ މަގާމަށް، ކަސްޓަމްސް އެންޑް ބޯޑަރ ޕްރޮޓެެކްޝަން ކޮމިޝަނަރ ކެވިން މެކަލީނަން ވަގުތީގޮތުން ހަމަޖެއްސިކަން އިއުލާނުކުރައްވާފައެެވެ.
ރައީސް ޓްރަމްޕްގެ ބޯޑަރ ސިކިއުރިޓީ ސިޔާސަތުގައި ހިމެނޭ ފާރުގެ މަސައްކަތާއި ރެފިއުޖީ އާއިލާތަކުގެ ކުދިންނާއި އާއިލާ ވަކިކޮށް ބަންދުކުރުމުގެ ސިޔާސަތު ތަންފީޒުކޮށްދެއްވީ ނިލްސެންއެވެ. އެކަމަނާ އިސްތިއުފާދެއްވި ސީދާ ސަބަބެއް ސިޓީގައި ހާމަކޮށްފައިނުވާއިރު، އެކަމަނާގެ ސިޓީގައި ވިދާޅުވެފައިވަނީ މިއީ މަގާމުން އެއްފަރާތަށް ޖެހިވަޑައިގަންނަވަން އެންމެ ރަނގަޅު ވަގުތު ކަމަށެވެ.
"އަޅުގަނޑު ސަރުކާރާއި ގުޅު އިރަށްވުރެ މިއަދު އެމެރިކާއަކީ ރައްކާތެރިތަނެއް" ނިލްސެންގެ ސިޓީގައި ވިދާޅުވެފައިވެއެވެ.
އެކަމަނާ އިސްތިއުފާ ދެއްވާފައިމިވަނީ އެމެރިކާގެ ދެކުނުގެ ސަރަހައްދީ ރޮނގުގެ ކައިރިއަށް ރައީސް ޓްރަމްޕް ވަޑައިގެންނެވިތާ ދުވަސްކޮޅެއްގެ ތެރޭގައެވެ.
ރައީސް ޓްރަމްޕް ދާދިފަހުން ވަނީ ސަރައްދީ ރޮނގުގެ އެ ސަރަހައްދު ބަންދުކުރައްވާވެކަމަށް ވިދާޅުވެފައެވެ. ނަމަވެސް އެ މަސައްކަތް ފަސްކޮށްލެއްވުމަށްފަހު މެކްސިކޯއަށްވަނީ އެ ގައުމުން އެމެރިކާއަށް މަސްތުވާތަކެތި އެތެރެކުރުން ހުއްޓުވުމަށާއި ރެފިއުޖީން ވަނުން ހުއްޓާލުމަށް އެއް އަހަރުގެ މުއްދަތެއް ދެއްވާފައެވެ.
ރައީސް ޓްރަމްޕްގެ ސަރުކާރާއި ނިލްސެން ފުރަތަމަ ގުޅިވަޑައިގެންނެވީ 2017 ގެ ޖެނުއަރީ މަހު ކުރީގެ ހޯމްލޭންޑް ސިކިއުރިޓީ ސެކްރެޓަރީ ޖޯން ކެލީގެ އެސިސްޓެންޓަކަށެވެ.
