ހަތް ރަށެއްގެ ފެނާއި، އަށް ރަށެއްގެ ނަރުދަމާ އަދި ފަސް ރަށެއްގެ ބަނދަރު ހެދުން މި އަހަރު އަލަށް!
4 އެޕްރީލު 2019 | ބުރާސްފަތި 11:24ބިޑިންގ މަރުހަލާ މިއަހަރު މެދުތެރޭ ފެށޭނެ
ސ. ހުޅުމީދޫގެ ބަނދަރުގެ ބައެއް ވއްޓިފައި
އޯފިޑް ފަންޑުގެ އެހީގައި މިއަހަރު ކުރިއަށްގެންދިއުމަށް ހަމަޖެހިފައިވާ މަޝްރޫއުތަކުގެ ތެރެއިން އަށް ރަށެއްގެ ފެނާއި، އަށް ރަށެއްގެ ނަރުދަމާ އަދި ފަސް ރަށެއްގެ ބަނދަރު ހެދުން މި އަހަރު އަލަށް ހިމެނިފައިވާ ކަމަށް މިނިސްޓްރީ އޮފް ނޭޝަނަލް ޕްލޭނިންގ އެންޑް އިންފްރާސްޓްރަކްޗަރ އިން ވިދާޅުވެއްޖެއެވެ.
އެކަމާ ގުޅޭ ގޮތުން ޕްލޭނިންގް މިނިސްޓްރީން ބުނެފައި ވަނީ، މިނިސްޓްރީގެ ފަރާތުން 2019 ވަނަ އަހަރު ފެށުމަށް ހަމަޖެހިފައިވާ މި މަޝްރޫއުތަކުގެ ޖުމުލަ އަގު 14.52 މިލިއަން ޑޮލަރަށް އަރާ ކަމަށާއި، މިއަހަރު ޖެނުއަރީ މަހުގެ ތެރޭގައި މި މަޝްރޫއުތަކުގެ އެޕްރައިސަލް މިޝަން ހަދާފައިވާ ކަމަށެވެ. އަދި މި މަޝްރޫއުތައް ކުރިއަށްގެންދިިއުމަށް އޯފިޑް ފަންޑުގެ ބޯޑުން ފާސްކޮށްފައިވާއިރު، މަސައްކަތްތައް ފެށުމަށްޓަކައި ބިޑް ކުރުމުގެ މަރުހަލާ މިއަހަރު މެދުތެރޭ ފެށުމަށް ހަމަޖެހިފައިވާ ކަމަށް ވެސް މިނިސްޓްރީން ބުނެފައި ވެއެވެ.
އޯފިޑް ފަންޑުގެ އެހީގައި މިއަހަރު އަލަށް ފަށާ މަޝްރޫއުތައް
މި މަޝްރޫއުތައް އިއުލާނުކޮށްފައިވާއިރު، ސަރުކާރުގެ އަމާޒަކީ، މި ވެރިކަމުގެ ފުރަތަމަ ތިން އަހަރު ނިމޭއިރު، ރާއްޖޭގެ މީހުން ދިރިއުޅޭ ހުރިހާ ރަށެއްގައި ފެނާއި ނަރުދަމާގެ ނިޒާމް ޤާއިމްކުރުމުގެ މަސައްކަތް ފެށްޓެވުން ކަމުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވަނީ ވިދާޅުވެފައެވެ.
