އިސްލާމްދީން ހިމާޔަތްކޮށްދޭނެ ހަމައެކަނި ޕާޓީއަކީ އެމްޑީޕީ:ރައީސް ނަޝީދު
2 އެޕްރީލު 2019 | އަންގާރަ 10:38އެމްޑީޕީގެ ސަރުކާރުގައި 47 މިސްކިތް ބިނާކުރެވުނު ކަމަށް ވިދާޅުވި
ކުޑަފަރީ ރައްޔިތަކާއި ރައީސް ނަޝީދު ވާހަކަފުޅު ދައްކަވަނީ
19 ވަނަ ރައްޔިތުންގެ މަޖިލީހުގެ ކެނދިކުޅުދޫ ދާއިރާއަށް އެމްޑީޕީގެ ޓިކެޓްގައި ވާދަކުރައްވާ އަހްމަދު އީސައަށް ތާއީދް ހޯއްދެވުމަށް ނ. ކުޑަފަރީއަށް ވަޑައިގެން، އެ ރަށުގައި އޮތް އީސަގެ ކެމްޕެއިން ޖަލްސާގައި ވާހަކަފުޅު ދައްކަވަމުން ރައީސް މުހައްމަދު ނަޝީދު ވިދާޅުވީ މި ރާއްޖޭގައި އިސްލާމްދީން ހިމާޔަތް ކޮށްދޭނެ ހަމައެކަނި ޕާޓީއަކީ އެމްޑީޕީ ކަމަށެެވެ
ރައީސް ނަޝީދު ވިދާޅުވީ އެމްޑީޕީގެ ތިން އަހަރުގެ ކުރު މުއްދަތެއްގެ ވެރިކަމުގައި 47 މިސްކިތް ރާއްޖޭގެ އެކިކަންކޮޅުތަކުގައި ބިނާކުރެވުނު ކަަމަށެވެ. އެއީ މިހާތަނަށް އެއް ވެރިކަމެއްގައި އެންމެ ގިނަ މިސްކިތް ބިނާކުރެވުނު ވެރިކަން ކަން ރައީސް ނަޝީދު ފާހަގަ ކުރެއްވިއެވެ. ރާއްޖޭގައި އެންމެ ފުރަތަމަ އިސްލާމިކް މިނިސްޓްރީއެއް އުފެއްދެވީ ވެސް އެމްޑީޕިގެ ވެރިކަމުގައި ކަމަށާއި، އޭގެއިން ދޭހަކޮށްދެނީ ވެސް އެ ޕާޓީއިން އިސްލާމްދީނަށް އަހަމިއްޔަތުކަން ދޭ މިންވަރު ކަމަށް ރައީސް ނަޝީދު ވިދާޅުވިއެެވެ.
އެމްޑީޕީ އުފެދި އެ ޕާޓީގެ ގުނަވަންތައް އުފެދުނު އިރު، އެންމެ ފުރަތަމަ އުފެދުނު ޕާޓީގެ ގުނަވަނަކީ އިސްލާމީ މަޝްވަރާ މަޖިލިސް ކަމަށް ރައީސް ނަޝީދު ވިދާޅުވިއެވެ. އެހެންކަމުން އިދިކޮޅު ފަރާތްތަކުން އެމްޑީޕީ އާއި ދިމާލަށް "ލާދީނީ" އޭ ގޮވަމުން އެ ގެންދަނީ، ވަކި ސިޔާސީ މަންފާއެއް ހާސިލްކުރަން ކަމަށް ރައީސް ނަޝީދު ވިދާޅުވިއެވެ. ސިޔާސީ އައްޑަަނައަކަށް އިންތިޚާބާއި ދިމާކޮށް ދީން ނުނެގުމަށް ރައީސް ނަޝީދު ވަނީ އިދިކޮޅު ފަރާތްތަތަކަށް ގޮވާލައްވާފައެވެ.
އެޖެންޑާ 19 ގައި ހިމެނޭ ކަންތަކަށް އަލިއަޅުވާލައްވާ ވާހަަކަފުޅު ދައްކަވަަމުން ރައީސް ނަޝީދު ވިދާޅުވީ އެޖެންޑާ 19 އަކީ މުޅި ރާއްޖޭގެ ރައްޔިތުންގެ ހަމަޖެހުމާއި، ލާބަ އާއި މަންފާ ކަމަށެވެ. ކެނދިކުޅުދޫ ދާއިރާގެ ކެނޑިޑޭޓް އީސައަށް ވޯޓް ދެއްވުމަށް ރައީސް ނަޝީދު ވަނީ ކުޑަފަރީގެ ރައްޔިތުންގެ އަރިހުން އެދިވަޑައިގެންފައެވެ.
ކެނދިކުޅުދޫ ދާއިރާގައި ހިމެނެނީ ކެނދިކުޅުދޫ،ހެނބަދޫ،ކުޑަފަރީ،މާޅެންދޫއެވެ. ކުޑަފަރީގެ އާބަާދީއަކީ 849 އެވެ.
ކެނދިކުޅުދޫ ދާއިރާގައި ހިިމެނެނީ ކެނދިކުޅުދޫ،ހެނބަދޫ،ކުޑަފަރީ،މާޅެންދޫއެވެ.ކެނދިކުޅުދޫގެ އާބާދީއަކީ 849 މީހުންނެވެ.
