ގްލޯރިއާ ޖީންސްއަށް އެއް އަހަރު ފުރުމާ ގުޅިގެން 50 ޕަސެންޓް ޑިސްކައުންޓް
2 އެޕްރީލު 2019 | އަންގާރަ 03:47
ގްލޯރިއާ ޖީންސްގެ އައުޓްލެޓެއް
ރާއްޖޭގައި ގްރޯލިއާ ޖީންސް ކޮފީ ހުޅުވިތާ އެއްއަހަރު ފުރުން ފާހަގަކުރުމުގެ ގޮތުން މިއަދު އެ ތަނުގެ އައުޓްލެޓްތަކުން 50 ޕަސެންޓް ޑިސްކައުންޓް ދޭން ނިންމައިފި އެވެ.
ރާއްޖޭގައި ގްލޯރިއާ ޖީންސް ކޮފީގެ އައުޓްލެޓްތައް ހިންގާ ކުންފުނި ބްރޫ އެންޑް ފީސްޓް ޕްރައިވެޓް ލިމިޓެޑްގެ ޑިރެކްޓަރު އަލީ ހާޝިމް ވިދާޅުވީ އަހަރީ ދުވަސް ފާހަގަކުރުމަށް މިފަދަ ބޮޑު ޑިސްކައުންޓެއް ދިނުމަކީ ލިބިވަޑައިގަންނަވާ ހިތްހަމަޖެހުމެއް ކަމަށެވެ.
"ކޮންމެ ބިލަކުން ވެސް 50 ޕަސެންޓް ޑިސްކައުންޓް ލިބޭނެ،" އޭނާ ވިދާޅުވި އެވެ.
ގްލޯރިއާ ޖީންސް ކޮފީ އަކީ އޮސްޓްރޭލިއާގެ މަޝްހޫރު ފްރެންޗައިޒް ކޮފީ ކުންފުންޏެކެވެ. ރާއްޖޭގައި ގްލޯރިއާ ޖީންސްގެ ފުރަތަމަ އައުޓްލެޓް ހުޅުވީ މިދިޔަ އަހަރު އޭޕްރީލް މަހު ރަސްފަންނުގަ އެވެ. ދެ ވަނަ އައުޓްލެޓް ވެލާނާގޭ ކައިރީގައި ހުޅުވީ ޑިސެމްބަރު މަހު އެވެ. ވެލޭނާ އިންޓަނޭޝަނަލް އެއާޕޯޓްގައި ވެސް ގްލޯރިއާ ޖީންސް ކޮފީގެ ތަނެއް ހުރެ އެވެ.
