ފ ފީއަލީ މީހަކު ލަންކާގައި ގެއްލިގެން ހޯދަން ފަށައިފި
22 ފެބުރުއަރީ 2017 | ބުދަ 21:15އޭނާ ގެއިން ދިޔައީ ބުދަދުވަހު ހެނދުނު. އަދިވެސް ހަބަރެއް ނުވޭ
ލަންކާއިން ގެއްލިގެން ހޯދާ މުހައްމަދު ޢަލީ
ފ އަތޮޅު ފީއަލީ އުމުރުން ދުވަސްވީ މީހަކު، ލަންކާގައި ގެއްލިގެން ހޯދަން ފަށައިފިއެވެ.
ރާއްޖެ އެމްވީއަށް މައުލޫމާތު ލިބިފައިވާ ގޮތުގައި ބުދަދުވަހު ހެނދުނު ގެއިން ދިޔަ ގޮތައް ޚަބަރެއް ނުވެގެން ހޯދަމުން ދަނީ ފ ފީއަލީ، އާބާދު އައްސޭރި މުހައްމަދު ޢަލީއެވެ. އޭނާގެ އައިޑީކާޑް ނަމްބަރަކީ A055718 އެވެ. އަދި ޕާސްޕޯޓް ނަމްބަރަކީ LA13E5581އެވެ.
ރާއްޖެ އެމްވީއަށް އެނގިފައިވާ ގޮތުގައި އޭނާ ދިރިއުޅޭ ލަންކާ އެޑްރެހަކީ ދެހިވަލަ، ކުއަރީ ރޯޑްގައި ހުންނަ 277/26A.1/1 ނަމްބަރު ގެއެވެ.
ރާއްޖެ އެމްވީއަށް މައުލޫމާތު ދެމުން އޭނާގެ ދަރިއަކު ބުނީ ބައްޕަ ގެއިން ނުކުތީ ބުދަދުވަހު ހެނދުނު 10 ޖަހާކަށްހާއިރު ކަމަށާއި އަދިވެސް ޚަބަރެއް ނުވާ ކަމަށެވެ.
އާއިލާއިން ބުނީ އެމީހުން ދިރިއުޅެނީ ލަންކާގައި ކަމަށާއި ކޮންމެ ދެމަހުން ކަހަލަ ގޮތަކަށް ބައްޕަ ލަންކާއަށް ގެންނަ ކަމަށެވެ.
އުމުރުން 67 އަހަރުގެ ބައްޕަ އަކީ ބަލިކޮށް ހުންނަ މީހެއް ނޫންކަމަށާއި ފިޓްޖެހުންކަހަލަ ބައްޔެއް ހުންނަ މީހެއް ނޫން ކަމަށެވެ.
އާއިލާއިން އޭނާގެ ޚަބަރެއް ވެއްޖެނަމަ އާއިލާއާ އެކަން ހިއްސާކުރުމަށް އެދޭކަމަށެވެ. އެގޮތުން 0094771516919 އާ ގުލުމަށް އާއިލާއިން އެދެއެވެ.
