ކޮމިޝަނަރ އޮފް ޕޮލިސް ގެ މަޤާމަށް ހަމީދު އައްޔަނު ކުރައްވައިފި
26 މާރިޗު 2019 | އަންގާރަ 06:21އެ މަޤާމުގައި ކުރިން ހުންނެވީ ހަމްދޫން ރަޝީދު
ކޮމިޝަނަރ އޮފް ޕޮލިސް މުހައްމަދު ހަމީދަށް މަގާމު ދެއްވުން
ކޮމިޝަނަރ އޮފް ޕޮލިސް ގެ މަޤާމަށް މުހައްމަދު ހަމީދު (އެމްސީ ހަމީދު) ރައީސް އިބްރާހިމް މުހައްމަދު ސާލިހް އަންގާރަ ދުވަހު ހަމަޖައްސަވައިފިއެވެ.
އަންގާރަ ދުވަހު ރައީސްގެ ތަރުޖަމާނު އިބްރާހިމް ޙޫދު ކުރެއްވި ޓްވީޓެއްގައި އެކަން އިއުލާނު ކުރައްވާފައިވާއިރު، ރައީސް ޔާމީނުގެ ވެރިކަމުގައި ކޮމިޝަނަރުގެ މަގާމުގައި ހުންނެވި ހަމްދޫން ރަޝީދު މަގާމުން ވަކިކުރައްވައިފައިވަނީ ރައީސް އިބުރާހިމް މުހައްމަދު ޞާލިހް ރައީސުލްޖުމްހޫރިއްޔާގެ މަގާމުގެ ހުވާ ކުރެއްވުމަށް ފަހުގައެވެ. .
ފުލުހުންގެ ވަޒީފާއިން ހަމީދު ވަކިކޮށްފައިވަނީ ރަނގަޅަށް ނޫންކަމަށް ނިންމައި ހަމީދަށް އަނބުރާ ވަޒީފާ ދިނުމަށް ސްޕްރީމް ކޯޓުން ޑިސެމްބަރު މަހުގެ ދެވަނަ ދުވަހު ކުރި ހުކުމާއެކު ހަމީދު އަލުން ފުލުހުންގެ ވަޒީފާއަށް ނެރެ ޑެޕިއުޓީ ކޮމިޝަނަރގެ މަގާމު ހަވާލުކުރައްވާފައި ވަނީ އެމަހުގެ 4 ވަނަ ދުވަހުއެވެ.
