"ޒީ ސިނެ އެވޯޑްސް 2019" ގެ އެންމެ މޮޅު ބަތަލާގެ އެވޯޑް ދިޕިކާ ޕަދުކޯނަށް އަދި ބަތަލުގެ އެވޯޑް ރަންބީރު ކަޕޫރަށް ވަނީ ލިބިފައެވެ.
އަންގާރަ ދުވަހުގެ ރޭ ބޭއްވި މި އެވޯޑް ހަފްލާގައި ދިޕިކާ އަށް ބެސްޓް އެކްޓަރ (އަންހެން) އެވޯޑް ލިބިފައިވަނީ "ޕަދްމާވަތް" އިންނެވެ.
ރަންބީރަށް ބެސްޓް އެކްޓަރ (ފިރިހެން) އެވޯޑް ލިބިފައިވަނީ "ސަންޖޫ" އިންނެވެ.
އެންމެ މޮޅު ޑައިރެކްޓަރުގެ އެވޯޑް ލިބިފައިވަނީ ސަންޖޭ ލީލާ ބަންސާލީ އަށް ފިލްމް " ޕަދްމާވަތް" އިންނެވެ.
މީގެ އިތުރުން އެވޯޑް ލިބިފައިވަނީ:
- ބެސްޓް އެކްޓަރ (ފިރިހެން) ވިއުވާރސް ޗޮއިސް : ރަންވީރު ސިންގް (ޕަދްމާވަތް)
- ބެސްޓް ސަޕޯޓިން އެކްޓަރ (ފިރިހެން): ވިކީ ކައުޝަލް (ސަންޖޫ)
- ބެސްޓް ސަޕޯޓިން އެކްޓަރ (އަންހެން): ކެޓްރީނާ ކެއިފް (ޒީރޯ)
- އެކްސްޓްރާއޯޑިނަރީ ޕާރފޯމާ އޮފް ދަ އިޔާ: އަޔުސްމަން ޚުރާނާ
- ބެސްޓް ޑެބިއުޓް (ފިރިހެން): އިޝާން ޚައްތަރު (ބިޔޯންޑް ދަ ކްލައުޑަސް/ ދަޅަކް)
- ބެސްޓް ޑެބިއުޓް (އަންހެން): ޖާންވީ ކަޕޫރު (ދަޅަކް)
- ބެސްޓް އެކްޓަރ އިން އަ ނެގެޓިވް ރޯލް: ތައްބޫ (އަންދާދުން)
މި އެވޯޑް ހަފްލާ ހޯސްޓް ކޮށްދީފައިވަނީ "އުރީ"ގެ އެކްޓަރ ވިކީ ކައުޝަލް އާއި "ލޫކާ ޗުއްޕީ" ގެ އެކްޓަރ ކާތިކް އާރްޔަން އެވެ.
މި ހަފްލާގައި މާދުރީ ޑިކްސިޓް ވަނީ އޭނާ ކުޅެފައިވާ ކާމިޔާބު ފިލްމް "ހަމް އާޕްކޭ ހޭކައުން" ގެ ޓްރިބިއުޓެއް ދީފައެވެ.
"ޒީ ސިނެ އެވޯޑްސް 2019 " ގައި ބޮލީވުޑްގެ މަޝްހޫރު ގިނަ ފަންނާނުންތަކެއް ވަނީ ބައިވެރި ވެފައެވެ.
އޭގެ ތެރޭގައި އާލިއާ ބަޓް، ރަންބީރު ކަޕޫރު، ވިކީ ކައުޝަލް، ރަންވީރު ސިންގް، ޖާންވީ ކަޕޫރު، މާދުރީ ޑިކްސިޓް ހިމެނެއެވެ.
