މިސްކިތްތަކުގެ މުއައްޒަފުން ރަށު ކައުންސިލްތަކުގެ ދަށަށް
18 މާރިޗު 2019 | ހޯމަ 05:05މިސްކިތްތަކުގެ މުއައްޒަފުންނާއި ބަޖެޓް ކައުންސިލްތަކަށް ބަދަލުކުރުމުގެ މަސައްކަތް ދަނީ ކުރަމުން
ކައުންސިލަރުންތަކެއް މިސްކިތެއް ސާފުކުރަނީ،: މިސްކިތްތަކުގެ މުއައްޒަފުން ރަށު ކައުންސިލްތަކާ ހަވާލުކުރުމަށް އިސްލާމިކް މިނިސްޓްރީން ވަނީ ނިންމާފައި
މިސްކިތްތައް ފޮޅާ ސާފުކުރުމާއި މަރާމާތު ކުރުމުގެ މަސައްކަތްތަކާއި ބަޖެޓް އަދި މިސްކިތުގެ މަސައްކަތު މުއައްޒަފުން ރަށު ކައުންސިލްތަކުގެ ދަށަށް ކަމަށް އިސްލާމިކް މިނިސްޓްރީން ބުނެފިއެވެ.
އެ މިނިސްޓްރީން ނެރުނު ސަރކިއުލާއެއްގައި ބުނެފައި ވަނީ ލާމަރުކަޒީ ގާނޫނުގައިވާ ގޮތަށް ރަށްރަށުގެ މިސްކިތްތައް ބެލެހެއްޓުން ރަށު ކައުންސިލްތަކާ ހަވާލުކުރުމަށް ރައީސް އޮފީހުން އަންގާފައި ވާތީ ރަށު ކައުންސިލްތަކުން މިސްކިތްތައް ބެލެހެއްޓުމަށްޓަކައި ކުރަންޖެހޭ ކަންކަން ކައުންސިލްތަކަށް ފޮނުވާފައިވާ ކަމަށެވެ.
މިސްކިތްތައް ފޮޅާ ސާފުކުރުމާއި މަރާމާތު ކުރުމުގެ މަސައްކަތްތަކާއި ބަޖެޓް އަދި މިސްކިތުގެ މަސައްކަތު މުއައްޒަފުން ބެލެހެއްޓުމުގެ ހުރިހާ މަސައްކަތެއް އަދި މުއައްޒަފުންގެ ހާޒިރީ އާއި މުސާރަ އާއި އެލަަވަންސް އަދި އިނާޔާތްތައް ދިނުމުގެ މަސައްކަތްތައް އަންނަ އެ ޕްރީމަހުގެ 1 އިން ފެށިގެން ކައުންސިލްތަކުން ކުރަމުން ގެންދިއުމަށް އެދޭ ކަމަށް އިސްލާމިކް މިނިސްޓްރީން ބުނެއެވެ. މީގެ ކުރިން އެކަންކަން ބަލަހައްޓަމުން ގެންދަނީ މިނިސްޓްރީންނެވެ.
މި މަހުގެ 31 ގެ ނިޔަލަށް މުއައްޒަފުންގެ މުސާރަ އާއި އެލަަވަންސް އަދި އިނާޔާތްތައް އިސްލާމިކް މިނިސްޓްރީން ދޭނެ ކަމަށް ވެސް އެ ސަރކިއުލާގައި ވަނީ ބުނެފައެވެ.
