"ލަވް އާޖްކަލް 2" ގެ ޝޫޓީން ބޮލީވުޑްގެ ޒުވާން ދެ ތަރިންކަމަށްވާ ކާތިކް އާރްޔަން އާއި ސާރާ އަލީ ޚާން ފަށައިފިއެވެ.
މި ދެ ތަރިން ދިއްލީގެ މަގުމަތީގައި ބައިކް ދުއްވާ ވީޑިއޯއެއް ވަނީ އާންމުވެފައެވެ.
މި ވީޑިއޯގައި ފެންނަނީ ކާތިކް ބައިކް ދުއްވަން އިން އިރު އޭނާގެ ފަހަތުގައި ސާރާ ހެލްމެޓް ނާޅާ އިންދައެވެ.
ވީޑިއޯއިން ފެންނަ ފެނުމުން އެ ދެ މީހުން މަގުމަތީގައި ހުރި މީހަކާއި ވާހަކަ ދައްކާ މަންޒަރު ފެނިގެން ދެއެވެ.
ކޮފީ ވިތް ކަރަން ޝޯގައި ކާތިކް އަކީ ސާރާގެ ކްރަޝްއެއް ކަމަށް ސާރާ ބުނުމުން ގިނަ ފޭނުން ތިބީ އެ ދެ މީހުން އެކުގައި ފެންނާނު ދުވަހަކަށް ކެތް މަދުވެފައެވެ.
މީގެ އިތުރުން ވެސް މި ފިލްމް ސެޓްގައި ނާގާފައިވާ ގިނަ ވީޑިއޯތައް ވަނީ ފޭން ޕޭޖްގައި ވައިރަލް ވެފައެވެ.
ކާތިކް އާއި ސާރާ އެންމެ ފުރަތަމަ ދިމާވެފައި ވަނީ ދާދި ފަހުން ބޭއްވި އެވޯޑް ހަފްލާއަކުންނެވެ. މި ހަފްލާގައި ކާތިކްއަށް ސާރާ ތައާރަފުކޮށްދީފައި ވަނީ ރަންވީރު ސިންގް އެވެ.
"ލަވް އާޖް ކަލް 2" އަކީ 2009 ވަނަ އަހަރު ރިލީޒް ކުރި ސާރާގެ ބައްޕަ ސައިފް އަލީ ޚާން ކުޅެފައިވާ ކާމިޔާބު ފިލްމް "ލަވް އާޖްކަލް" ގެ ސީކުއެލް އެކެވެ. އެފިލްމްގައި ސައިފް އާއި އެކު ލީޑް ރޯލް ކުޅެފައިވަނީ ދިޕިކާ ޕަދުކޯން އެވެ.
