ރަންބީރު ކަޕޫރު: "ބާހުބަލީ"ގައި ޕަރަބާސް އަދާކޮށްފައިވާ ރޯލު ވަރަށް ކަމުދޭ

އޭޕްރީލް މަހުގެ 28 ވަނަ ދުވަހު ސިނަމާތަކަށް އައިސްފައިވާ "ބާހްބަލީ 2" ގައި ޕަރަބާސް އަދާ ކޮށްފައިވާ ރޯލު ވަރަށް ކަމުދާކަމަށް ބޮލީވުޑްގެ ތަރި ރަންބީރު ކަޕޫރު ބުނެފިއެވެ.

މިހާތަނަށް އިންޑިއާގެ ފިލްމަކަށް ނުލިބޭވަރުގެ އާމްދަނީއެއް ލިބިފައިވާ "ބާހްބަލީ 2" އަށް މިހާތަނަށް ލިބިފައިވަނީ 1,670 ކުރޯޑް ރުޕީސްއެވެ.

މިހާރު "ޖައްގާ ޖާސޫސް" ޕްރޮމޯޓް ކުރަމުންދާއިރު ރަންބީރު ބުނީ އޭނާ ނަގާނީ ފިލްމީ ދާއިރާއިން ޕްރަބާސް ކަމަށެވެ. އެއީ އޭނާގެ ފޭވަރިޓް އެކްޓަރ ކަމަށް ރަންބީރު ބުންޏެވެ.

ރަންބީރު ބުނެފައިވަނީ "ބާހުބަލީ" އަދި "ބާހުބަލީ 2" ގައި ޕްރަބާސްގެ އެކްޓިންއަކީ މިހާތަނަށް ފިލްމަކުން އޭނާއަށް ފެނިފައިނުވާ ފަދަ ކުޅަދާނަ މޮޅު އެކްޓެއް ކަމަށެވެ. "ޖައްގާ ޖާސޫސް" ޕްރޮމޯޓް ކުރަމުން ދަނީ ރަންބީރާއި ކެޓްރީނާއާ ދެމީހުން އެކުގައެވެ. ކެޓްރީނާ ބުނެފައިވަނީ ސައުތު އިންޑިއަން ފިލްމު އިންޑަސްޓްރީގައި އޭނާ ފިލްމެއް ކުޅޭ ނަމަ އެންމެ ބޭނުންވަނީ ޕްރަބާސް ނުވަތަ ވިކްރަމްއާ އެކު ކުޅުމަށް ކަމަށެވެ

"ބާހްބަލީ 2" ޗައިނާގެ ފިލްމީ މާކެޓުގައި ރިލީޒް ކުރާނީ ސެޕްޓެމްބަރުމަހުގެ ތެރޭގައެވެ. ޗައިނާގައި ރިލީޒްކުރުމާއެކު އެފިލްމަށް ލިބިފައިވާ އާމްދަނީ ދެގުނައަށް ބޮޑުވާނެ ކަމަށް ޔަގީން ކުރެވޭ ކަމަށް ނޫސްތަކުގައި ވެއެވެ. އެއީ މިދިޔަ އަހަރު ޑިސެމްބަރު މަހު ނިކުތް އާމިރު ޚާންގެ "ޑަންގަލް" ވެސް ޗައިނާގައި އެޅުވުމަށް ފަހު ރަނގަޅު އާމްދަނީއެއް ލިބިފައި ވާތީއެވެ.

"ބާހުބަލީ 2" ގައި ޕްރަބާސްގެ އިތުރުން ފެނިގެން ދަނީ ތަމަންނާ ބާޓިއާ، އަނުޝްކާ ޝެޓީ، ރާމިއާ ކްރިޝްނަން، ޕްރަބާސް އަދި ރާނާ ދަގޫޕަތީ އެވެ.