އާދީއްތަ 25 އޯގަސްޓު 2019
02 ފުރަ
1440 ޒުލްޙައްޖު 23
ފަތިސް 04:47
އިރުއަރާ 06:00
މެންދުރު 12:12
އަސްރު 15:21
މަޣްރިބް 18:17
އިޝާ 19:29
ދުނިޔެ - ނައިޖީރިއާ

ނައިޖީރިއާގައި ސްކޫލެއް ހިންގާ އިމާރާތެއް ވެއްޓި 10 މީހުން މަރުވެއްޖެ

  • އިމާރާތް ވެއްޓިފައިވަނީ ނައިޖީރިއާ ގަޑިން 10:00 ޖަހާކަންހާއިރު

އަބުދުﷲ މުހައްމަދު
8Abbo

ކ. މާލެ 14 މާރޗް 2019 | ބުރާސްފަތި 07:57 2,255

މަރުވި މީީހުންގެ އަދަދު އިތުރުވެދާނެކަމުގެ ބިރުވަނީ ހީވެފައި - މުހައްމަދު ޝަރުހާން

ނައިޖީރިއާގެ ސިޓީއެއް ކަމަށްވާ ލާގޮސްގައި ސްކޫލެއް ހިންގާ އިމާރާތެއް ވެއްޓި މަދުވެގެން 10 މީހުން މަރުވެ އިތުރު އެތައް ބަޔަކު އިމާރާތުގައި ތާށިވެފައި ތިބެދާނެކަމުގެ ބިރު ހީވެެއްޖެއެވެ.

ހަތަރު ބުރިޔަށް ހުންނަ މި އިމާރާތުގެ އެންމެ މަތީގައި ސްކޫލް ހިންގާއިރު އިމާރާތުގައި 100 އަށް ވުރެ ގިނަ މީހުން ތިބޭނެ ކަމަށް މީހުން ސަލާމަތްކުރުމުގެ މަސައްކަތްކުރަމުންދާ އޮފިޝަލަކު ބީބީސީގައި ބުނެފައި ވެއެވެ.

ދިރި ތިއްބާ އިމާރާތުގެ ދަށުން 40 އަކަށް މީހުން ނެރެވިިފައިވާ ކަމަށް އޮފިޝަލް ވިދާޅުވިއެވެ.

ލާގޮސްގެ އިމާރާތްތަކާ ބެހޭ އޮފިޝަލު ބީބީސީގައި ވިދާޅުވެފައި ވަނީ އިމާރާތް ހުރީ ވީރާނާވެ ތަޅާލުމަށް ލިސްޓުކުރެވިފައި ކަމަށެވެ.

އިމާރާތް ވެއްޓިފައި ވަނީ ނައިޖީރިއާ ގަޑިން 10:00 (ޖީއެމްޓީ09:00) ހާއިރުއެވެ.

އިމާރާތުގައި ތިބިކަމަށް ބެލޭވޭ މީހުންގެ އާއިލާތަކުން ވަނީ އެ މީހުންގެ އާއިލާ މެމްބަރުން ދިިރިތިއްބާ ފެނިދާނެކަމުގެ އުއްމީދުގައި އިމާރާތް ހުރި ސަރަހައްދަށް ޖަމާވެފައެވެ.

މި އިމާރާތަކީ ސްކޫލެއްގެ އިތުރުން އެތައް އެޕާޓްމަންޓްތަކެއް ހިމެނޭ މީހުން ދިރިއުޅޭ އިމާރާތެއް ކަމަށް މީހުން ސަލާމަތްކުރުމުގެ މަސައްކަތްކުރާ އޮފިޝަލުން އަދި އެތަނުގައިި ދިރިއުޅޭ ބައެއް މީހުންނާ ހަވާލާދީ ބީބީސީގައި ބުނެފައި ވެއެވެ.

 

 

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް