''ގަލީ ބޯއީ''ގެ ސީކުއެލްއެއް ހަދަނީ
11 މާރިޗު 2019 | ހޯމަ 13:56މިހާރު ކުރިއަށް ދަނީ މި ފިލްމްގެ ސްކްރިޕްޓް ތައްޔަރުކުރުމުގެ މަސައްކަތް
އާލިއާ ބަޓް އާއި ރަންވީރު ސިންގް
"ގަލީ ބޯއީ"ގެ ކާމިޔާބަށް ފަހު ފިލްމްގެ ޑައިރެކްޓަރ ޒޯޔާ އަޚްތަރު ވަނީ އެ ފިލްމްގެ ސީކުއެލްއެއް ހަދަން އުޅޭކަން ޔަގީންކޮށްދީފައެވެ.
ރިޕޯޓްތައް ބުނާ ގޮތުން މިހާރު ކުރިއަށް ދަނީ މި ފިލްމްގެ ސްކްރިޕްޓް ތައްޔަރު ކުރުމުގެ މަސައްކަތެވެ.
ޒޯޔާ ބުނެފައި ވަނީ އިންޑިއާގައި ހިޕްހޮޕް މިއުޒިކުގެ ސަގާފަތް މި އަށް ވުރެ ކުރިއެރުވުމަށް އޭނާ އާއި އޭނާގެ ކޯ ރައިޓަރ ރީމާ ކަގްތީ ގަބޫލުކުރާ ކަމަށެވެ. އެހެންކަމުން އިތުރު ފިލްމެއް ހެދުމަށް ވިސްނާފައިވާ ކަމަށް ޒޯޔާ ވަނީ ބުނެފައެވެ.
ރަންވީރު ސިންގް އާއި އާލިއާ ބަޓް ލީޑްރޯލުން ފެނިގެންދިޔަ "ގަލީ ބޯއީ"ގައި ދައްކުވައިދެނީ އިންޑިއާގެ ރަށްފުށުގެ ފަގީރު އާއިލާއެއްގެ ޒުވާނަކު ކާމިޔާބު ރެޕާއަކަށް ބަދަލުވެގެންދާގޮތެވެ.
"ގަލީ ބޯއި"އަކީ އިންޑިއާގެ މަގުމަތިން އުފަންވި ކާމިޔާބު ދެ ރެޕުން ކަމަށްވާ ނައޭޒީ އާއި ޑިވައިންގެ ވާހަކައިން އިންސްޕަޔާވެގެން ހަދާފައިވާ ފިލްމެކެވެ.
މި ފިލްމަށް ދުނިޔޭގެ އެކި ކަންކޮޅުތަކުން ލިބުނު އާމްދަނީ 250 ކްރޯޑަށް އަރާފައެވެ.
