މަޑަވެލީގައި ހައުސިންގް ޔުނިޓްތަކަށް ކުރިމަތިލުމުގެ ފުރުސަތު ހުޅުވައިފި

ގދ މަޑަވެލީގައި ޢިމާރާތްކޮށްފައިވާ 22 ހައުސިންގް ޔުނިޓަށް ކުރިމަތިލުމުގެ ފުރުސަތު ހުޅުވާލައިފިއެވެ.

މަޑަވެލީ ކައުންސިލުން ހޯމަ ދުވަހު ކޮށްފައިވާ އިއުލާނެއްގައި ބުނެފައިވަނީ 11 މާރޗް އިން 31 މާރޗް 2019 ވާ އާދީއްތަ ދުވަހުގެ ނިޔަލަށް ހުޅުވާލައިފައިވާ ކަމަށެވެ. އަދި ހައުސިންގް ޔުނިޓްތަކަށް އެދިލައްވާ ފަރާތްތަކުން ފޯރމް ފުރުވާލުމަށް ފަހު ރަސްމީ ބަންދު ނޫން ކޮންމެ ދުވަހެއްގެ ހެދުނު 09:00 އިން 13:00 އަށް އެ އޮފީހަށް ހުށަހެޅޭނެ ކަމަށެވެ.

އެ އިއުލާނުގައި އިތުރަށް ބުނެފައިވަނީ ފޯމާއިއެކު ހުށަހަޅަންޖެހޭ ތަކެތި ހަމަނުވާ ފޯމްތަކާއި މައުލޫމާތު ފުރިހަމަ ނުވާ ފޯމްތައް ބަލައިނުގަނެވޭނެ ކަމަށާއި ހައުސިންގ ޔުނިޓް ދޫކުރުމަށް ކަނޑައެޅިފައިވާ އުސޫލާއި ޝަރުތު ކައުންސިލް އިދާރާގެ ނޯޓިސް ބޯޑުގައި ބެހެއްޓިފައިވާނެ ކަމަށެވެ. އަދި ކައުންސިލް އިދާރާގެ ވެބްސައިޓް އިންވެސް ފޯމް ޑައުންލޯޑު ކުރެވޭނެކަމަށް އިއުލާނުގައިވެއެވެ.