ހީތްރޯއާއި، ލަންޑަން ސިޓީ އެެއަރޕޯޓާއި ވޯޓަރ ލޫ ސްޓޭޝަނުން ބަންދުކޮށްފައި ހުރި ގޮވާތަކެތި ފެނިިއްޖެ
5 މާރިޗު 2019 | އަންގާރަ 22:33ގޮވާތަކެތި ހުރީ އޭފޯ ސައިޒްގެ ހުދު ކުލައިގެ އުރަތަކެއްގައި
ހީތްރޯއަށް ފޮނުވި އުރަ ސްޓާފަކު ކެނޑިތަނުންވަނީ ގޮވާފައި | ބީބީސީ
ހީތްރޯ އެއާޕޯޓާއި، ލަންޑަން ސިޓީ އެއާޕޯޓާއި، ވޯޓަރލޫ ސްޓޭޝަނުން ފެނުނު ގޮވާތަކެތި އަޅާފައިވާ ތިން އުރަ ކަައުންޓަރ ޓެރަރ ފުލުހުން ތަހުގީގުކުރަންފަށައިފިއެވެ.
އިމްޕްރޮވައިސްޑް އެކްސްޕްލޯސިވް ޑިވައިސްތައް ފެނުނީ އޭފޯ ސައިޒްގެ އުރައަށް ލާ ބަންުދުކޮށްފައިވަނިކޮށް ކަމަށް މެޓްރޮ ޕޮލިޓަން ފުލުހުން ބުންޏެވެ.
ކައުންޓަރ ޓެރެރިޒަމް ކޮމާންޑުން މި މައްސަލަ ބަލަމުންދަނީ ގުޅިފައވާ ސިލްސިލާ މައްސަލައެއްގެ ގޮތުގައެވެ. ނަމަވެސް ހަމަލާގެ ފަހަތުގައި ވަނީ ވަކި ކޮންކަމެއްކަމަކަށް ނުނިންމައެެވެ.
އެ އިރަތަކުގައި އަޔަރލޭންޑްގެ ސްޓޭމްޕް ޖަހާފައިވާއިރު އަޔަރލޭންޑްގެ ފުލުހުން ގެންދަނީ ތަހުގީގަށް އެހީތެރިކަން ދެމުންނެވެ.
ހީތްރޯއިން ފެނުނު އުރައިގެ ވާހަކަ ޖީއެމްޓީ ގަޑިން 9:55 ހާއިރު ފުލުހުންނަށް ރިޕޯޓްކުރެވުމާއެކު ހީތްރޯގެ ކޮމްޕަސް ސެންޓަރުން ވަނީ މީހުން ދުރަށް ފޮނުވާލާފައެވެެ.
އެ ތަނުން ފެނުނު އުރަ ސްޓާފަކު ހުޅުވުމުމާއެކު އޭގައިވަނީ ހުޅުހިފާފައެވެ.
