ހަނގުރާމަވެރި ޖަމާއަތްތަކާ ދެކޮޅަށް ފިޔަވަޅު އެޅުމަށް ޕާކިސްތާނުން ވައުދުވެއްޖެ

ޕާކިސްތާނުން އެ ގައުމުގެ ސަރަހައްދީއިމުގައި އުޅެމުންދާ ހަނގުރާމަވެރި ޖަމާއަތްތަކަށް ފިޔަވަޅު އަޅާނެ ކަމަށް ޕާކިސްތާނުގެ އިންންފޮމޭޝަން މިނިސްޓަރ ފަވާދު ޗައުދަރީ ވައުދުވެ ވަަޑަައިގެންފިއެވެ.

އިންޑިއާގެ ބެލުމުގެ ދަށުގައި އޮތް ކަޝްމީރުގެ ޕުލްވަމާގައި ފެބްރުއަރީ މަހުގެ 14 ވަނަ ދުވަހު ދިން ޖާނުން ފިދާވުމުގެ ހަމަލާއަށްފަހު ބައިނަލްއަޤްވާމީ މަސްރަހުން ގެންދަނީ ޕާކިސްތާނުގެ ސަރަހައްދީ އިމުގެ ތެރޭގައި އުޅެމުންދާ ހަނގުރާމަވެރިންނަށް ފިޔަވަޅު އެޅުމަށް އެ ގައުމަށް ފިއްތުންތައް ކުރިމަތިކުރަމުންނެވެ.

އިންޑިއާ ޕެރަމިލިޓަރީ ސިފައިންގެ 42 މީހަކު މަރުވުމާ ގުޅިގެން އިންޑިއާއިން ޕާކިސްތާނުގެ މައްޗަށް އެކަމުގައި ކުރަމުންދާ ތުހުމަތު ޕާކިސްތާނުގެ އިންފޮމޭޝަން މިނިސްޓަރ ފަވާދް ޗައުދަރީ ދޮގުކުރައްވައެވެ.

ޕާކިސްތާނުން ހަނގުރާމަވެރިންނާ ދެކޮޅަށް ފިޔަވަޅުއަޅަން ނިންމީ ޖައެޝީ މުހައްމަދު ޖަމާއަތުން ޕުލްވަމާގައި ދިން ހަމަލާގެ ކުރިން ބޭއްވި ނޭޝަނަލް ސެކިއުރިޓީ ކޮމިޓީގެ ބައްދަލުވުމެއްގައިކަމަށެވެ.

"މިހާރު ފުރިހަމަ ސްޓްރެޓެޖީ އޮތީ ތައްޔާރުވެފައި" ރޮއިޓަރސްގައި ޗައުދަރީ ވިދާޅުވެފައިވެއެވެ.

ޕާކިސްތާނާއި އިންޑިއާގެ ގުޅުން ގޯސްވެ އެއްގައުމު އަނެއް ގައުމެއްގެ ވައިގެ ސަރަހައްދަށް ވަދެ ހަމަލާ ދީފައިވާއިރު، ޕާކިސްތާނުން ވަނީ އިންޑިއާގެ ދެ މަތިންދާ ބޯޓެއް ވައްޓާލައި ޕައިލެޓަކު ހައްޔަރުވެސް ކޮށްފައެވެ. ނަމަވެސް ސުލްހައިގެ އަތެއް ދިއްކޮށްލުމުގެ ރަމްޒެއްގެ ގޮތުން ޕައިލެޓްވަނީ މިނިވަންކޮށްފައެވެ.