އީސީގެ މެމްބަރު ކަމަށް ކުރިމަތިލެއްވި 16 ފަރާތާއި އިންޓަރވިއުކުރަން ފަށައިފި
4 މާރިޗު 2019 | ހޯމަ 08:1816 ނަންފުޅުގެ ތެރެއިން މަޖިލީހަށް ފެނިވަޑައިގަންނަވާ ނަންފުޅެއް ފާސްކޮށްދެއްވުމަށް ރައީސް ވަނީ އެދިވަޑައިގެންފައި
މިހާރު އެ ކޮމިޝަންގައި ހުންނެވި މެމްބަރު އިސްމާއިލް ހަބީބުގެ ފަސް އަހަރުގެ ދައުރުގެ މުއްދަތު އަންނަ މަހުގެ 13ގައި ހަމަވާނެ
އިލެކްޝަންސް ކޮމިޝަން(އީސީ)ގެ މެމްބަރު ކަމަށް ކުރިމަތިލާފައިވާ 16 ފަރާތާ މިނިވަން މުއައްސަސާތަކާ ބެހޭ ކޮމިޓީއިން އިންޓަރވިއުކުރަން ފަށައިފިއެވެ.
އީސީގެ މެމްބަރު ކަމަށް ކުރިމަތިލެއްވި 16 ބޭފުޅުންގެ ނަންތައް 26 ވަނަ ދުވަހު އޮތް ރައްޔިތުންގެ މަޖިލީހުގެ ޖަލްސާއިން ވަނީ އިތުރަށް ދިރާސާކުރުމަށް މިނިވަން މުއައްސަސާތަކާއި ބެހޭ ކޮމިޓީއަށް ފޮނުވާފައެވެ.
އިލެކްޝަންސް ކޮމިޝަނުގެ މެމްބަރު ކަމަށް ކުރިމަތިލައްވާފައިވާ 16 ބޭފުޅުންނަކީ ދަފްތަރު ނަމްބަރު 1896، ޝުއެއިބް ޔޫސުފާއި ޏ . ފޯއްމުލައް، ގ.ކޯޒީ، އަބްދުﷲ ރާޒީ އާއި މާފަންނު ރަބީއީގެ، އަހްމަދު އަދީމާއި އައްޑޫ ސިޓީ ހިތަދޫ ނޮވެމްބަރުގޭ އަހްމަދު އަލީ އާއި މާފަންނު ޕިސްތާގެ އައިމިނަތު ސާދިޔާ އާއި ހއ. ކެލާ އަނބުގަސްދޮށުގެ މަރިޔަމް ހަނީފާ ހާލިދާއި ދަފްތަރު ނަމްބަރު 9456، އައިމިނަތު މަދީހާ އާއި ނ. ވެލިދޫ، އާހިޔާ، އައިޝާތު ހަފީޒް އާއި ދަފްތަރު ނަމްބަރު 1851، އަލީ މުހައްމަދު މަނިކާއި އައްޑޫ ސިޓީ، މީދޫ ސެލީނާ ސުލްވާން އަހުމަދާއި މައްޗަންގޮޅި ވިލާރޮނދި، އިސްމާއިލް ސާޖިދާއި ބ. ތުޅާދޫ، ޝަރުތު، މުހައްމަދު ޝާފިއު އާއި، މާފަންނު އަސަލް، މުހައްމަދު ޝަމްއޫނާއި އައްޑޫ ސިޓީ ހުޅުދޫ، ވެސްޓްލައިޓް، ޔާސިރް ވަސީމާއި ހެންވޭރު އަމްސާވިލާ އަހުމަދު މޫސާ އާއި ހެންވޭރު ނީޓް، އިސްމާއިލް ހަބީބެވެ.
ކޮމިޝަންގެ މެމްބަރުކަމަށް ކުރިމަތިލުމުގެ ފުރުސަތު ހުޅުވާލީ، މިހާރު އެ ކޮމިޝަންގައި ހުންނެވި މެމްބަރު އިސްމާއިލް ހަބީބުގެ ފަސް އަހަރުގެ ދައުރުގެ މުއްދަތު އަންނަ މަހުގެ 13 ހަމަވާތީއެވެ. ހަބީބު ވަނީ އަނެއްކާވެސް ދެ ވަނަ ދައުރަކަށް އީސީގެ މެމްބަރުކަން ކުރިމަތިލައްވާފައެވެ.
އިލެކްޝަންސް ކޮމިޝަންގެ މެމްބަރު ކަމަށް ކުރިމަތިލެއްވި 16 ބޭފުޅުންގެ ނަންތައް އަންގާރަ ދުވަހު އޮތް ރައްޔިތުންގެ މަޖިލީހުގެ ޖަލްސާއަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ފޮނުއްވާފައިވާއިރު، ނަންތައް ތަރުތީބް ކޮށްފައިވަނީ ފުރުސަތަށް އެދުނު ތަރުތީބުންނެވެ. މި ނަންފުޅުތަކުގެ ތެރެއިން މަޖިލީހަށް ފެނިވަޑައިގަންނަވާ ނަންފުޅެއް ފާސްކޮށް ދެއްވުމަށް ރައީސް ވަނީ އެދިވަޑައިގެންފައެވެ.
