ވޯޓް ރިރެޖިސްޓަރކުރަން 21203 މީޙުން ހުށަހަޅައިފި
މަޖިލިސް އިންތިހާބުގައި ބަހައްޓާނީ 507 ވޯޓު ފޮށި
ރިޔާސީ އިންތިޚާބުގައި ބަޔަކު ވޯޓް ލަނީ: ރިޔާސީ އިންތިޚާބުގައި ވޯޓްލުމަށް ރަޖިސްޓްރީކުރި ތަން ބަދަލު ނުވާނަމަ، މަޖިލިސް އިންތިޚާބަށް ރަޖިސްޓްރީކުރަން ނުޖެހޭނެ
ރައްޔިތުންގެ މަޖިލިސް އިންތިހާބުގައި ވޯޓުލުމަށް 21،203 މީހުން ރީރަޖިސްޓަރ ކުރަން ހުށަހަޅާފައިވާ ކަމަށް އިލެކްޝަންސް ކޮމިޝަނުން ބުނެފި އެވެ.
އީސީއިން ބުނީ 21،203 ފޯމްގެ ތެރެއިން ތިންބައިކުޅަ ދެބައި ފޯމް ހުށަހަޅާފައި ވަނީ ހޮނިހިރު ދުވަހު ކަމަށެވެ. އެހެންވެ، އެ ފޯމްތައް ބަލައި ޗެކްކުރުމަށް ދެ ދުވަސްވަރު ވާނެ ކަމަށާއި ރިރެޖިސްޓަރވި މީހުންގެ ފައިނަލް އަދަދު އެނގޭނީ އެއަށް ފަހު ކަމަށް އީސީން ބުންޏެވެ.
ވޯޓާސް ލިސްޓަށް ޝަކުވާ ހުށައެޅުމުގެ ފުރުސަތު އަލުން ހުޅުވާލާނީ އޭގެ ފަހުންނެވެ.
އޭޕްރިލް 6 ވަނަ ދުވަހު ބާއްވާ މަޖިލިސް އިންތިޚާބުގައި 264،589 މީހުންނަށް ވޯޓުލުމުގެ ހައްގު ލިބިގެންވެ އެވެ. އިންތިޚާބުގައި 87 ދާއިރާ އަށް ވާދަކުރަނީ 395 ކެންޑިޑޭޓުންނެވެ. ނަމަވެސް ފެބްރުއަރީ މަހުގެ 25 ވަނަ ދުވަހު ސުޕްރީމް ކޯޓުން ވަނީ، ޕްރައިމަރީއިން ބަލިވިޔަސް އިންތިޚާބުގައި ވާދަކުރެވޭނެ ކަމަށް ކަނޑައަޅާފައެވެ. އެއާއެކު ޕްރައިމަރީން ނާކާމިޔާބުވި ފަރާތްތަކަށް އިންތިޚާބަށް ކުރިމަތިލުމުގެ ފުރުސަތު މިމަހުގެ 4 ވަނަ ދުވަހުގެ ހަވީރު 4:00 އަށް ވަނީ ހުޅުވާލައިފަ އެވެ.
