ޔޫތް ޓްރާންސްފޯމިންގް ޓްމޯރޯ ސީރީސް ލޯންޗްކޮށްފި

ޔޫތް ޓްރާންސްފޯމިންގް ޓްމޯރޯ ސީރީސްގެ ނަމުގައި ވުމަން އެންޑް ޑިމޮކްރެސީން އިސްނަގައިގެން ޕްރޮގްރާމެއް ފަށައިފިއެވެ.

ގައުމީ ޔުނިވާރސިޓީއާއި، އެމެރިކަން ސެންޓާއާއި ގުޅިގެން ވުމަން އެންޑް ޑިމޮކްރެސީއިން އިސްނަގައިގެން ފެށި މި ޕްރޮގްރާމަކީ ޒުވާނުން ބާރުވެރި ކުރުވައި ހޭލުންތެރިކަން އިތުރު ކުރުމުގެ މަގްސަދުގައި ފެށި ޕްރޮގްރާމެކެވެ.

މާރޗް މަހުގެ ތިނަކުން 28 ގެ ނިޔަލަށް ކުރިއަށް ގެންދާ މި ޕްރޮގްރާމުގައި، ނަފްސާނީ ބަލިތަކާއި، ސިއްހަތާއި، އިންފޮމޭޝަން އެންޑް ކޮމިއުނިކޭޝަން ޓެކްނޯލޮޖީއާއި، ގްލޯބަލައިޒޭޝަންއާއި، އަންހެނުން އަދި އަންހެން ކުދިންނާއި ގުޅުން ހުރި މައުލޫތަކުގެ އިތުރުން މިނޫން ވެސް އިޖުތިމާއީ ބޮޑެތި މައްސަލަތަކާއި ސަމާލުކަން ބޭނުންވާ މައުލޫތަކަށް ވާހަކަ ދެކެވޭނެއެވެ.

ވުމަން އެންޑް ޑިމޮކްރެސީ އަކީ 2016 ވަނަ އަހަރުން ފެށިގެން 100 އިންސައްތަ ޒުވާނުން އިސްނަގައިގެން ހިންގާ ޖަމިއްޔާއެކެވެ. މި ޖަމިއްޔާގެ މައިގަނޑު އަސާސަކީ އިޖުތިމާއީ ގޮތުންނާއި ފަރުދީ ގޮތުން އަދި ސިޔާސީ ގޮތުން އަންހެނުން ބާރުވެރި ކުރުވާ، އަންހެނުންގެ ބައިވެރިވުން މުޖުތަމައުގައި އިތުރު ކުރުމަށް ބާރު އެޅުމެވެ.

މި ޖަމިއްޔާއިން ދަނީ ދެޖިންސުގެ ހަމަހަމަ ކަން ގާއިމް ކުރުމަށް ގިނަ މަސައްކަތް ތަކެއް ކުރަމުންނެވެ.