ނުރަސްމީ ދަތުރުފުޅު ނިންމަވާލެއްވުމަށް ރައީސްގެ ދެކަނބަލުން މާލެ ވަޑައިގެންފި
ރައީސްގެ ދެކަނބަލުން ސިންގަޕޫރަށް ފުރާވަޑައިގެންފައިވަނީ ފެބްރުއަރީ 27 ވަނަ ދުވަހު
ރައީސް ސޯލިހުއާއި އަނބިކަބަލުން ފަޒްނާ އަހުމަދު
ނުރަސްމީ ދަތުރުފުޅު ނިންމަވާލެއްވުމަށް ރައީސުލްޖުމްހޫރިއްޔާ އިބްރާހީމް މުޙައްމަދު ސޯލިޙާއި އެމަނިކުފާނުގެ އަނބިކަނބަލުން ފަޒްނާ އަޙްމަދު ހޮނިހިރު ދުވަހުގެ ރޭ މާލެ ވަޑައިގެންފިއެވެ.
ރައީސް ސޯލިހު ސިންގަޕޫރަށް ފުރާވަޑައިގެންފައިވަނީ މިދިޔަ ބުރާސްފަތި ދުވަހުގެ ވަގުތެއްގައެވެ.
ރައީސުލްޖުމްހޫރިއްޔާ އިބްރާހިމް މުހައްމަދު ސޯލިޙް ވަނީ ނުރަސްމީ ދަތުރުފުޅެއްގައި މިދިޔަ ޖެނުއަރީ މަހުގެ ތިން ވަނަ ދުވަހު ސްރީލަންކާއަށް ވެސް ވަޑައިގެންފައެވެ. ސްރީލަންކާއަށް ކުރެއްވި ތިން ދުވަހުގެ އެ ދަތުރުފުޅު ނިންމަވާލެއްވުމަށް ރައީސް ފަހު އެނބުރި ރާއްޖެ ވަޑައިގަތީ އެ މަހުގެ ހަ ދުވަހުއެވެ.
ވެރިކަމާ ހަވާލުވެވަޑައިގަތުމަށް ފަހު ރާއްޖެއިން ބޭރަށް ކުރެއްވި ފުރަތަމަ ރަސްމީ ދަތުރުފުޅު އެމަނިކުފާނު ކުރައްވާފައި ވަނީ އަވަށްޓެރި އިންޑިއާއަށެވެ. އިންޑިއާ އަށް ކުރެއްވި ރަސްމީ ދަތުރުފުޅުގައި އެމަނިކުފާނު އިންޑިއާއަށް ވަޑައިގެންފައި ވަނީ 2018 ވަނަ އަހަރުގެ ޑިސެމްބަރު މަހުގެ 16 ވަނަ ދުވަހުއެވެ.
