ލެސްޓާގެ ކޯޗުކަމަށް ރޮޖާސް ހަމަޖައްސައިފި

ލެސްޓާ ސިޓީގެ ކޯޗުކަމަށް ލިވަޕޫލްގެ ކުރީގެ ކޯޗު ބްރެންޑެން ރޮޖާސް ހަމަޖައްސައިފިއެވެ.

އުމުރުން 46 އަހަރުގެ ރޮޖާސް ލެސްޓާގެ ކޯޗުކަމަށް ހަމަޖައްސާފައިވަނީ 2022 ވަނަ އަހަރުގެ ނިޔަލަށެވެ.

ލެސްޓާގެ ކޯޗުކަމަށް ރޮޖާސް ހަމަޖެއްސީ އެ ކްލަބުގެ ކޯޗު ކްލައުޑީ ޕުއެލް އެ މަގާމުން އާދީއްތަ ދުވަހު ވަކިކުރުމާ ގުޅިގެންނެވެ. ޕުއެލް ވަނީ ލެސްޓާއަށް 16 މަހު އިރުޝާދު ދީފައެވެ.

ލެސްޓާގެ ކޯޗުކަމާ ހަވާލުވުމަށްފަހު ރޮޖާސް ބުނީ، ލެސްޓާގެ ސަޕޯޓަރުން ފަހުރުވެރިކޮށްދޭން ކޮށްދެވެން އޮތް ހުރިހާ މަސައްކަތެއް ކޮށްދޭނެ ކަމށެވެ.

ލެސްޓާގެ ވައިސް ޗެއާމަން ވިދާޅުވީ، ލެސްޓާގެ ޒުވާން ސްކޮޑާއެކު ރޮޖާސް ގިނަ ކަންކަން ހާސިލްކުރާނެ ކަމަށް އުންމީދުކުރާ ކަމަށާއި، ރޮޖާސްފަދަ މޮޅު ކޯޗެއް ގެނެވުމުން އުފާވާ ކަމަށެވެ.

ވަޓްފޯޑްގެ ކޯޗުކަމުން 2008 ވަނަ އަހަރު ކޯޗިން ކެރިޔަރު ފެށި ރޮޖާސް ވަނީ ރެޑިން އާއި ސްވަންސީ އަދި ސެލްޓިކްއަށްވެސް ކޯޗުކަން ކޮށްދީފައެވެ.

ރޮޖާސް އެންމެ ފަހުން އިރުޝާދު ދީފައި ވަނީ ސެލްޓިކްއަށެވެ. އޭނާ އެ ކްލަބާ 2016 ވަނަ އަހަރު ހަވާލުވެފައިވާއިރު، ލެސްޓާގެ ކޯޗުކަމާ ހަވާލުވަންދެން އޭނާ ހުރި އެ މަގާމުގައެވެ.

ރޮޖާސްގެ ކޯޗިން ކެރިޔަރުގައި އެންމެ ގިނަ ކާމިޔާބީއެއް ހޯދާފައިވަނީ ސެލްޓިކްއާކުގައެވެ. އޭނާ ވަނީ އެ ކްލަބަށް ދެ ސްކޮޓިޝް ޕްރިމިއާޝިޕް، ދެ ސްކޮޓިޝް ކަޕް އަދި ތިން ސްކޮޓިޝް ލީގް ކަޕް ކާމިޔާބުކޮށްދީފައެވެ.

ޕްރިމިއާ ލީގުގެ އެންމެ މޮޅު ކޯޗުގެ މަގާމު ތިން މަހެއްގައި ލިވަޕޫލްގައި ހޯދާފައިވާ ރޮޖާސް ވަނީ 2016 ވަނަ އަހަރުގެ ސީޒަނުގައި ސްކޮޓްލޭންޑްގެ އެންމެ މޮޅު ކޯޗުކަން އަދި ސްކޮޓިޝް ޕްރިމިއާޝިޕްގެ އެންމެ މޮޅު ކޯޗުކަންވެސް ހޯދާފައެވެ.