މިފްކޯގެ ސީއީއޯއަކަށް އެކްޓިން އެމްޑީ އިސްމާއިލް އައްޔަންކޮށްފި
ފައުޒީ ވަނީ މިފްކޯގައި 22 އަހަރު މަސައްކަތް ކޮށްފައި
ތަހާރަތު މުހައްމަދު ވަހީދު | 22 ފެބުރުއަރީ 2019 | ހުކުރު 06:34
އިސްމާއިލް ފައުޒީ
މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) ގެ ސީއީއޯއަކަށް އެތަނުގައި އެކްޓިން މެނޭޖިން ޑިރެކްޓަރަކަށް (އޭއެމްޑީ)މަސައްކަތް ކުރައްވަމުން އަންނަ އިސްމާއިލް ފައުޒީ އައްޔަން ކޮށްފިއެވެ. ފައުޒީ ސީއީއޯއަކަށް އައްޔަންކުރީ ބުރާސްފަތި ދުވަހުއެވެ. އަދި އޭނާ އޭއެމްޑީއަކަށް އައްޔަން ކޮށްފައި ވަނީ މިދިޔަ ޑިސެމްބަރ 24 ގައެވެ.
އޭނާ ވަނީ 22 އަހަރު ވަންދެން މިފްކޯގައި މަސައްކަތް ކުރައްވާފައެވެ.
މިފްކޯއަކީ އެ ކުންފުންނަށް ބޮޑެތި ގެއްލުންތަކެއް ވަމުންދާތީ 2016 ވަނަ އަހަރުން ފެށިގެން އެސްޓީއޯގެ ބެލުމުގެ ދަށަށް ގެނެސްފައިވާ ކުންފުންޏެކެވެ.
މިދިޔަ ސަރުކާރުން މިފްކޯގެ މާލީ ހާލަތު ރަނގަޅު ކުރުމަށް މި ފާއިތުވެދިޔަ ފަސް އަހަރުގެ ތެރޭގައި 621.4 މިލިއަން ރުފިޔާ ވަނީ ދީފައެވެ.
