ހުޅުމާލޭ ގެސްޓް ހައުސްއެއްގެ ރިސެޕްޝަންގައި ހުރި މީހަކަށް ތޫނު އެއްޗަކުން ހަމަލާދީ ޒަހަމް ކޮށްލައިފިއެވެ.
ފުލުހުން ބުނީ، މި ހާދިސާ ހިނގާފައިވަނީ ބުރާސްފަރި ދުވަހުގެ ރޭ ފަތިހު 4:48 ހާއިރު ކަމަށާއި، ޒަހަމް ވެފައިވަނީ ހުޅުމާލޭ ބީޗް ގެސްޓްހައުސް ރިސެޕްޝަނިސްޓަކަށް ހުރި 18 އަހަރުގެ މީހަކަށް ކަމަށެވެ.
ފުލުހުންބުނީ، މިހާތަނަށް ފުލުހުން ބެލި ބެލުމުން އެނގިފައިވާގޮތުގައި އޭނާއަށް ހަމަލާދީފައިވަނީ އެތަނަށް ދިޔަ ދެ މީހެއް ކަން އެނގިފައިވާ ކަމަށެވެ.
ޒަހަމްވީ މީހާއަށް ހުޅުމާލޭ ހޮސްޕިޓަލްގައި ފަރުވާ ދިނުމަށްފަހު ދޫކޮށްލާފައިވާ ކަމަށް ފުލުހުން މައުލޫމާތު ދެއެވެ.
