ޅ. އަތޮޅު ތަޢުލީމީ މަރުކަޒުގެ ދަރިވަރުންނަށް ކޭމްޕެއް ކުރިއަށް ގެންގޮސްފި
20 ފެބުރުއަރީ 2019 | ބުދަ 06:15ކޭމްޕުގައި 117 ދަރިވަރުން ބައިވެރިވެފައިވޭ
ޅ.ހިންނަވަރުގައި ކުރިޔަށް ގެންދިޔަ ކޭމްޕުގެ ތެރެއިން
ޅ. ހިންނަވަރު ޕޮލިސް ސްޓޭޝަނާއި ޅ. އަތޮޅު ތަޢުލީމީ މަރުކަޒު ގުޅިގެން، އެސްކޫލްގެ ގްރޭޑް 1ން ގްރޭޑް 3ށް ތަޢުލީމް ހާސިލް ކުރަމުންދާ ދަރިވަރުންނަށް ކޭމްޕެއް ކުރިއަށް ގެންގޮސްފިއެވެ
މި ކޭމްޕްގައި އިންޑޯ އެކްޓިވިޓީ ތަކާއި އައުޓްޑޯ އެކްޓިވިޓީތަކެއް ވަނީ ކުރިއަށް ގެންގޮސްފައެވެ. ދަރިވަރުންގެ އަމިއްލަ ސާފުތާހިރު ކަމާއި ސަލާމަތާއި ރައްކާތެރި ކަމަށް ކުރަންވީ ކަންކަމާއި ގުޅޭގޮތުން މަޢުލޫމާތު ދީފައިވެއެވެ. އަދި ރިވެތި އަދަބުތަކާއި މަގުމަތީގައި އުޅޭއިރު ސަމާލުކަންދޭންވީ ކަންކަމާއި މަގުމައްޗާއި އެހެނިހެން ތަންތަނުގެ ސާފުތާހިރުކަން ދެމެހެއްޓުމަށް ދަރިވަރުންނަށް ކުރެވިދާނެ ކަންތައްތަކާއި ނުރަނގަޅު ކަންތައްތަކުން ދުރުހެލިވުމަށް ކުރެވިދާނެ ކަންތައްތައް ބުނެދީފައިވާ ކަމަށް ފުލުހުން ވަނީ ބުނެފައެވެ.
ދެ ދަންފަޅިއަކަށް ބަހާލައިގެން، އަންހެން ފިރިހެން ވަކިން ކުރިއަށް ގެންދިޔަ މިކޭމްޕްގައި 57 އަންހެން ދަރިވަރުންނާއި 60 ފިރިހެން ދަރިވަރުން ހިމެނޭގޮތަށް ޖުމްލަ 117 ދަރިވަރުން ބައިވެރިވެފައިވާ ކަމަށާއި ޕްރޮގްރާމް ކުރިއަށް ގެންދިއުމުގައި ޅ.އަތޮޅު ތަޢުލީމީ މަރުކަޒުގެ މުދައްރިސުންނާއި ބެލެނިވެރިންގެ ފަރާތުން ވަރަށް ބޮޑު އެއްބާރުލުމެއް ލިބިފައިވާ ކަމަށް ފުލުހުން ވަނީ ބުނެފައެވެ.
