ސޯޝަލް އިންޑޯގައި މިހާރު ކުރިއަށްދާ އެމްބީއޭ ޗެމަޕިއަންޝިޕްގައި ހޯމަ ދުވަހުގެރޭ ކުޅުނު އަންހެންޑިވިޝަނުގެ ހަތަރުވަނަ މެޗު ސައިކްލޯން ބީސީ ކާމިޔާބު ކޮށްފިއެވެ. 

ބެންޗް އެސްސީ އާއި ވާދަކޮށް ސައިކްލޯން މެޗު ކާމިޔާބު ކުރީ ފަސޭހަކަމާއިއެކު ހަތަރު ކުއާޓާގައި ވެސް ލީޑުގައި އޮވެގެންނެވެ. 

މެޗުންގެ ނަތީޖާއަކީ ބެންޗް އެސްސީ 20 އަދި ސައިކްލޯން ބީސީ 58 ކެވެ. 

ފުރަތަމަ ކުއާޓާގައި ބެންޗް ޓީމަށް ކާމިޔާބު ކުރެވުނީ ތިން ޕޮއިންޓެވެ. ސައިކްލޯންއިން ވަނީ 15 ޕޮއިންޓް ހޯދާފައެވެ. މެޗުފެށިގެން ބޯޅަ ކޮންޓްރޯލްކޮށް ރަނގަޅު ޑިފެންސެއް ކޮށްގެން ރީތި ކުޅުމެއް ކުޅުނީ ސައިކްލޯން ބީސީންނެވެ. 

މެޗުގެ ދެވަނަ ކުއާޓާގައި ދެ ޓީމުގެ ފަރާތުން ފެނިގެންދިޔައީ ވާދަވެރި ކުޅުމެކެވެ. ލީޑްގައި އޮތް ސައިކްލޯންއަށް ހެދުނު ގޯސްތަކުގެ ބޭނުން ހިފާ ބެންޗު އެސްސީން ފަރަގު ކުޑަކުރިއެވެ. ދެވަނަ ކުއާޓާ ނިމުންއިރު ބެންޗު ޓީމް ނުވަ ޕޮއިންޓް ހޯދިއިރު ސައިކްލޯން ވަނީ 11 ޕޮއިންޓް ހޯދާފައެވެ. 

ތިންވަނަ ކުއާޓާގައި ސައިކްލޯން ް5 ޕޮއިންޓް ހޯދިއިރު ބެންޗު ޓީމަށް ކާމިޔާބު ކުރެވުނީ ދެ ޕޮއިންޓެވެ. 

މެޗުގެ ފުރިހަމަ ވަގުތު ހަމަވިއިރު ނަތީޖާއަކީ ބެންޗް އެސްސީ 20 އަދި ސައިކްލޯން ބީސީ 58 ކެވެ. 

މެޗުގެ މޮޅު ކުޅުންތެރިޔަކަށް ހޮވުނީ ސައިކްލޯން ޓީމުގެ ރައިފާ އިބްރާހިމެވެ. 

މިއަހަރުގެ ސައިކްލޯން ޓީމުގައި ފާއިތުވެދިޔަ އަހަރާ ހިލާފަށް  ޒުވާން ކުޅުންތެރިން ގިނަކަން ފާހަގަ ކޮށްލެވެއެވެ.