އެމްބީއޭ ޗެމްޕިއަންޝިޕްގައި ރޭ ކުޅުނު މެޗު ޓީރެކްސް ބަލިކޮށް ސްޓިންޖާރސް ކާމިޔާބު ކޮށްފިއެވެ.

ގައުމީ ބާސްކެޓް ލީގްގެ ޗެމްޕިއަން ޓީރެކްސް އާއި ސްޓިންޖާރސް ބައްދަލުކުރި މެޗުގެ ނަތީޖާއަކީ ސްޓިންޖާރސް 72 ޕޮއިންޓް، ޓީރެކްސް 66 ޕޮއިންޓެވެ. 

ވާދަވެރި ކުޅުމެއް ފެނިގެންދިޔަ މި މެޗުގެ ފުރަތަމަ ދެ ކުއާޓާ ކާމިޔާބު ކުރީ ޓީރެކްސްއިންނެވެ. ފަހަތުން އަރާ ތަފާތު ބޮޑު ނަތީޖާއަކުން ސްޓިންޖާރސް މެޗު ކާމިޔާބު ކުރިއެވެ. 

ފުރަތަމަ ކުއާޓާ ޓީރެކްސް ގެންދިޔައީ 16 ޕޮއިންޓުނެވެ. ސްޓިންޖާރސްއަށް ކާމިޔާބު ކުރެވުނީ 13 ޕޮއިންޓެވެ. 

ދެވަނަ ކުއާޓާގައި ޓީރެކްސް އިން 18 ޕޮއިންޓް ހޯދިއިރު ސްޓިންޖާރސް އަށް ކާމިޔާބު ކުރެވުނީ 16 ޕޮއިންޓެވެ. ތިން ވަނަ ކުއާޓާގައި ހެދެމުންދިޔަ ގޯސްތައް ރަނގަޅުކޮށް ސްޓިންޖާރސް ލީޑް ނެގިއެވެ. މި ކުއާޓާގައި ޓީރެކްސްއަށް ކާމިޔާބު ކުރެވުނީ 19 ޕޮއިންޓެވެ. ސްޓިންޖާރސްއަށް ކާމިޔާބު ކުރެވުނީ 22 ޕޮއިންޓެވެ. 

މެޗުގެ ފަހު ކުއާޓާގައި ޓީރެކްސްގެ ކުޅުން ދަށްވެ އެކަށީގެންވާ ކުޅުމެއް ނުދެއްކުމުގެ ނަތީޖާ އަކަށްވީ ވަގުތުގެ ބޭނުން ހިފައި، ސްޓިންޖާރސް ލީޑް ފުޅާކޮށް މެޗު ކާމިޔާބު ކުރުމެވެ. 

ސްކޯ ކުރާނެ ރަނގަޅު ފުރުސަތުތަކެއް ދެ ޓީމަށް ވެސް ލިބި ވަނީ އެންމެ ފުރިހަމަ ގޮތުގައި ބޭނުން ހިފޭ ގޮތް ނުވެފައެވެ. 

މެޗުގެ މޮޅުކުޅުންތެރިޔަކަށް ހޮވުނީ ޓީރެކްސްގެ ޖާރސީ ނަމްބަރު ހަތަރެއް، ހުސައިން ހަލީމްއެވެ.